لو القضاء مجابش حقنا

يا حللولي يا حللولي ده ايه ده اللي بيحصللي

بيقولك اسماء محفوظ هتتحول لمحاكمة عسكرية قال  يا حلاوة يا ولاد  يعني مش عارف نهني انفسنا ازاي على الحدث العظيم اللي حصل ده

لما جمال مبارك يخرج من المحكمة المدنية وهو رافع ايده بعلامة النصر واسماء محفوظ بتبكي وتعيط علشان هتتحاكم محكمة عسكرية

فعلا كان يوم اسود في تاريخ مصر وربما تناقلته الاجيال وجايز بعد كام سنة كده يتعمل المشهد ده فيلم ويمثل دور جمال مبارك الممثل القدير جيمي عمرو مصطفى (ابن الفنان الكبيرعمرو مصطفى اللي هيبقى نقيب للموسيقيين وبعدها وزير اعلام وكمان وزير اتصالات واللي هيلغي فيسبوك وتويتر واليوتيوب  في عهد الرئيس الفنجري ابوصباع الرئيس السابع لمصر متسالوش عن الخامس والسادس)

ايام سودة عايشينها حاليا

 هل فشلت الثورة المصرية؟

سؤال سألته لنفسي زمان هل احنا عايزين مبارك واعوانه يتحاكمو محاكمة تفتيش ويتم اعدامهم وكده تبقى اشطا فلة شمعة منورة والشعب ينبسط والدنيا تبقى بيس؟

ولا يتحاكم محاكمة عادلة امام قضاء مدني

علطول جاوبت نفسي اننا كعرب اكتر ناس عانت من محاكم التفتيش في الاندلس  وانا ضدها حتى لو مكنش حقي هييجي غير بيها

 وانا مع محاكمة الجميع محاكمات عادلة قدام قضاء مدني حتى العادلي ومبارك من حقهم علينا اننا نحاكمهم محاكمة عادلة بالرغم اننا ماشفناش العدل على ايديهم بس احنا كشعب مش هنعاملهم زي الامعة ان احسنوا احسننا وان اساءوا اسائنا بل هنعمل  بالثوابت اللي مؤمنين بيها

علشان كده فرحت لما مبارك والعادلي اتحولوا للقضاءالمدني

طيب بس دول تعابين صعب نثبت عليهم حاجة واغلب الاوامر شفهية مش ورقية  <<<<. والله نسيبهم للقضاء ونشوف

طيب وبعدين

ولا بعدين ولا قبلين قاعدين مستنين المحاكمات ومنعرفش انها هتتحول لمحاكمات هزلية وسيبك من المحاكمات دلوقت اصل المغرب لسه مادانش واللهم اني صائم

ندخل بقى في الغويط بيقلك قال ان اسماء محفوظ هتتحاكم محاكمة عسكرية علشان بتنبه لو العدل لم يقام هتظهر جماعات مسلحة وتقوم بسلسلة اغتيالات

الغريب في القصة ان اللي اثار المجلس العسكري هو الشق التاني من الجملة مش الشق الاول يعني اللي ضايقهم هو ظهور جماعات مسلحة ومضايقهمش جملتها (لو القضاء مجابش حقنا )

على فكرة انا متفق مع اسماء محفوظ ان عدم اقامة العدل هيعمل فتنة اكبر وقد تكون فتنة مسلحة

بس اللي مستغربله محدش وقف قدام جملتها الاولانية (لو القضاء ماجابش حقنا ) الجملة دي خطيرة واهمالها من المجلس العسكري يخوف جدا او على الاقل خوفني

لما ييجي المجلس العسكري يجيب اسماء محفوظ ويحقق معها ويحولها لمحاكمة يبقى في لعبة ممكن تحصل وميتحققش العدل لأن الطبيعي ان الامور تمشي زي ما هي والقضاء يحكم حكم عادل وبالتالي الامور كلها بيس وزي الفل و مفيش داعي لمحاكمة اسماء محفوظ

يمكن انا مش مع اسماء محفوظ في جملتها (لو القضاء ماجابش حقنا ) لأنني شايفها ضغط على المستشار احمد رفعت قبل المحاكمة علشان يقول الحكم اللي على هوى الناس و ده يوديني لسؤال تاني 

القضاء المفروض يعمل ايه؟

يكون حكمه على هوى الشعب؟

يكون حكمه عادل ؟

يكون حكمه مطابق للقوانين والادلة حتى لو مكنش عادل؟

ده سؤال خطير جدا لأن القضاء عندنا هو تطبيق القانون وبالنسبة لناس مخضرمة زي مبارك ورفاقه نقدر نقول اننا مش عارفين نمسك عليهم ادلة دامغة في ظل كمان وجود محامين الشهداء اللي معرفش جابوهم منين

طيب والحل

قالولنا زمان ان في حاجة اسمها قانون غدر

اشطا زي الفل وكنافة بالمكسرات كمان

خلاص يا حاج يبقى مبارك افسد الحياة السياسية واعدامك المتين فين يا قضاء؟

استنوا استنوا

بس قانون الغدر ده ضد اهم ثابت من ثوابت ثورتنا وهو العدالة ده غير انها ترسيخ لمحاكم التفتيش

طيب ايه الحل؟

والله معرفش شايفها متقفلة طالما المحامين دول متمسكين بالقضية وكل همهم التعويضات مفيش حد فيهم بيدور على ادلة ادانة وكأن مبارك والعادل لو دفعوا دية محترمة يبقى تمام

لو عايزين نرسخ قواعد دولة قوية في المستقبل نشيل من عنينا نضارة الانتقام السوداء علشان نعرف نفكر كويس في طريقة عادلة نقيم بيها الحد والقصاص على قتلة الشهداء بطريقة عادلة

انما طالما اننا شايفين انهم لازم يتعدموا بدون تفكير بمحاكمة تفتيش من غير ادلة ولا نيلة يبقى احنا كده ما قمناش بثورة صحيح هيبقى اعدمنا مبارك بس هييجي بعد مبارك واحد تاني زي مبارك ويمكن اكثر طغيان منه علشان يقدر يوقف قوانين الغابة

يمكن كلامي ميعجبش ناس كتير

بس صدقوني احنا كمصريين جوانا معادن طيبة وجوانا ثوابت قوية لو مشينا ورا المؤمنين بيه بس هنلاقي حاجات كتير توحدنا

هنعرف نجيب حق اسماء محفوظ من المجلس العسكري

هنعرف نلاقي ادلة دامغة تدين الجبابرة

صدقوني لو جوانا بس مصلحة البلد و ينسى كل واحد مننا نه لازم يظهر في الكادر وقتها هنلاقي حلول

لكن طالما احنا دايرين في الساقية مغمضي العيون هنفضل بندور حوالين قشور تافهة وننسى الاصول

هتلاقينا بنقول مدنية ولا اسلامية بالرغم انا لحد هذه اللحظة مش فاهم الفرق بين الاتنين

يعني هل اللي بيقولوا مدنية مش عايزين يطبقوا المادة التانية ؟  .... لا بالعكس دول موافقين عليها

طيب واللي بيقولوا اسلامية  هل هم عايزين يرجعوا زمن الجزية وعدم تجنيد غير المسلمين؟  .... لا بالعكس

طيب ابوس ايديكم حد يفهمني الاختلاف بين المدنية والاسلامية علشان انا زهقت من الموضوع ده وجابلي اكتئاب وشايف انه ترويج لحاجات غريبة وناس عايزة تظهر في الصورة وبتقدم مصلحتها على مصلحة الوطن

اخواني اخشى عليكم من فتنة يكون القاعد فيها خير من القائم والقائم فيها خير من الماشي فارجو منكم التعقل والثبات

كان نفسي افضفض اكتر بس مش عايز اطول عليكم 

اتمنى مايجيش العيد الا لما تكون الامور احسن

باتمنى الاقي في نفسي القدرة على التفاؤل

انا فاسد يا أمًَاا

حالة من القرف والاكتئاب جايالي مخلياني مش عايز اكتب اي حاجة في اي حاجة والاكتئاب زاد بعد ما ضغطت على نفسي وكتبت بوست طوييييييييييييل وبعدين ضاع بغلطة زر :( كنت مقرر مكتبوش تاني بس قلت اجرب لو باظ تاني مش هاكتبه

بمناسبة اننا في رمضان يبقى لازم ولا بد نسلي صيامنا

سلي صيامك يا بيه سلي صيامك يا استاذ

عندنا سبعين مسلسل يا باشا خليك معانا وستجد كل ما يسرك

بس انا ماليش في المسلسلات انا عندي زهايمر بانسى فطرت ايه  افتكر ازاي سبعين حلقة لسبعين مسلسل

خلاص حلك عندنا يا باشا انت ممكن تتابع مسلسل واحد وتتفرج على ست كوم او مسلسل حلقاته منفصلة .. اوك يا باشا رمضان كريم

وسليت الصيام واختارت اشوف مسلسل الحسن والحسين قلت اشوف المسلسل اللي قناتي التحرير والحياة (المصريتين) اتحدت بيهم قرار الازهر بمنعه وعدم جواز تجسيد الصحابة المبشرين بالجنة  و الحسن والحسين رضي الله عنهم اجمعين وبغض النظر عن صحة قرار الازهر اللي انا متفق معاه الا ان انا كصاحب قناة حتى لو مش متفق مع الازهر لازم ارضخ لتعليماته لأن الازهر لما بيعلا انا كمصري باعلى معاه ولما انا كمصري محترمش الازهر محدش برة هيحترمه (وجهة نظري وصلت؟)

المهم علشان مطولش عليكم اكتشفت في الاخر ان المسلسل ضعيف اخراجيا وسيناريو لأن اللي كتبه حاول استمالة قلوب الشيعة والسنة على حساب التاريخ  في احداث تغاضى عنها علشان ميجرحش حد من الطرفين ودي مصيبة

بعدين ندخل على مسلسل كوميدي ومادام كوميدي يبقى لازم بيتريق على الصعايدة في ظل الركود الفكري لكل كاتبي المسلسلات عندنا يبقى لازم يكون كده سواء في مسلسل الكبير او مسلسل  الزناتي مجاهد

آه الزناتي مجاهد مسلسل كاد ان يسبب لي عقدة نفسية  فهو توضيح وترسيخ لفكرة الصعيدي الغبي  الاهبل العبيط الساذج اللي ينزل العاصمة والكل يضحك عليه والمصيبة الاكبر انه مش لوحده العبيط لا ده كل بلده مجموعة من الاغبياء السذج وكأن الصعيد مافيهاش بني آدم عنده شوية مخ

المسلسل بعيد عن الاحساس بالعنصرية فهو يمكن ان يوضع في قائمة التفاهة واللي يتفرج عليه يبقى تافه والغريب ان انا برضه اكتشفت اني تافه علشان بتفرج عليه والاعجب اني باضحك كمان لحد حلقة الحزب الوطني لما اقتنع ان الفساد مصلحة للبلد واللي في الحزب بيحوشولنا فلوسنا في بلاد برة ولما اقتنع مجاهد ان الفساد هو الحل

وفرح انه فاسد واتصل بامه وقالها (انا فاسد يا اما )

وقتها مقدرتش اضحك معرفش ليه واتضايقت جدا وكنت ناوي اكتب بوست فيه تهزيء للمسلسل  ونقد كبير لكن اكتشفت فعلا ان مجاهد معاه حق

لما حصل اللي حصل لممدوح حمزة في مؤتمره بقنا و واحد سلفي كان بيشوف هل مقاس جزمته هو نفس مقاس وش ممدوح حمزة ولا لاء؟ مالقيش طريقة غير انه يسدد جزمته بقوة (تقولش كابتن ماجد) في اتجاه وش ممدوح حمزة

وقتها استغربت انا قناوي وعارف لما يكون عندنا ضيف حتى لو تقيل بنعمل ايه معاه

لكن عمرنا ما كنا قللات الاصل او قللات الادب 

يكونش التيار السلفي رسخ جوة الناس ان اي حد يعارضك تضربه بالجزمة؟

ماعتقدش ان دي اخلاق السلف الصالح  وانا اعرف سلفيين كتير باجادلهم ويجادلوني بس في بيننا احترام

طيب ايه

طيب آه

الاخ ده جه منين وتبع مين؟

ممدوح حمزة قال ان الراجل ده فجأة دخل  المؤتمر ورفع الحذاء ورماه طيب جه منين وتبع مين ده؟ محدش يعرف

طيب وهو ليه المؤتمر ده محدش سمع بيه واغلب اللي حضروه سلفيين بالرغم ان ممدوح حمزة من اكتر معارضيهم؟ هو المؤتمر سري وبس للسلفيين؟ محدش يعرف

وفي ظل كل  الحاجات دي اللي محدش يعرفها واحد صاحبي قاللي ان الواد اللي رمى الحذاء ده مختل عقليا

قلتله اشطا كده الحمد لله بدون اي مجال للشك اكتشفنا ان النظام القديم قاعد زي ما هو وان اي مصيبة بيلبسوها المختلين عقليا

المهم ان ممدوح حمزة قال ان ده مأثرش على المؤتمر وكمله قال
 فبلاش نجيب في سيرة الناس احنا في رمضان

وقالك ايه قالك آه

قرب يا استاذ قربي يا آنسة

بيقولك في قنا بلد المفاجآت رجع القائد المغوار سيادة اللواء ذو السيف البتار عادل بن لبيب الجبار

انا مش هاتكلم واقول المفروض ييجي او ما يجيش انا هاتكلم بلسان الناس اللي في الشارع

الناس اللي من حقها تتكلم بلسانها هي بدون النظر لأي تيارات او احزاب

علشان كده يمكن تتفاجئوا بكلامي بس انا هاقول اللي بيتقال ووجهات نظر الشارع مش وجهة نظري خالص

رجل الشارع القنائي متأكد تماما ان عادل لبيب فاسد  وشارك في افساد الحياة السياسية وتزوير الانتخابات 

لكن مع عادل لبيب مش هتقدر تغمض عينيك   كل يوم جديد 

النهاردة هنعمل كورنيش بكرة هنوسع مسجد سيدي عبد الرحيم بعد بكرة هنعمل بانوراما بعد بعده هنعمل صرف صحي بعد بعد بعد بعده قطر مخصوص آخره قنا علشان القنائي يلاقيله مكان في قطر وهو راجع من القاهرة (كان اسم القطر قطر عادل لبيب) بعد بعد بعد بعده هناخد جايزة من الامم المتحدة وقنا توصل للعالمية  

يعني كل يوم جديد وكل يوم شغل صحيح الحاجات دي بتبقى رسوم على فواتير الكهربا بس على الاقل انت شايف بالرسوم دي انجازات قصاد عينك

يكونش الراجل مش نزيه؟ سؤال بيسأله الشارع لنفسه دايما لكن عادل لبيب ذكي شال اي شك من البداية  في قنا لما اتعرض عليه من اكبر مطاعم قنا المجاور لمسجد سيدي عبد الرحيم القنائي رشوة كبيرة علشان يوقف التوسعات اللي هتقفل على المطعم الشارع وعادل لبيب بمنتهى الذكاء اخد الرشوة وحطها في ميزانية المحافظة وبعت جواب شكر لصاحب المطعم باسم المحافظة واكمل التوسعات زي ما كان مقرر ليها

بعد الموقف ده بقت في ثقة جبارة بين عادل لبيب والشارع مش بالساهل تتزعزع غير ان الراجل مش بيقعد في مكتبه ابدا في اي وقت ممكن تلاقيه في وشك بعكس اللي كان قائم باعمال المحافظة من بعد الثورة اللي منزلش من مكتبه يشوف الشارع  وده خلى المواطن القنائي البسيط يسأل نفسه

هل انا عايز محافظ نزيه ومش شايف شغله؟

ولا محافظ فاسد وشايف شغله؟

طبعا في حاجة تالتة محافظ فاسد ومش شايف شغله (زي مجدي ايوب اللي كان مقضيها خمرة اليوم كله)

اما المحافظ النزيه اللي بيشوف شغله فالمواطن القنائي يراه زي الغول والعنقاء موجودين في نفس صفحة الكتاب ان لم يكن مستحيلا فهو نادرا ومادام نادر يبقى محافظة هي منفى للجميع لا يمكن ان يأتيها مثل ذلك الرجل

طبعا في ناس معارضين كتير لعادل لبيب زي ائتلاف شباب الثورة وكمان قبيلة من اكبر قبائل قنا هي الاشراف اللي كانت بتمني نفسها بمحافظ منها ولكن طبعا لو اي محافظ جه من اي قبيلة قنائية كانت هتحصل مشاكل كبيرة

في النهاية عادل لبيب يحصل على تأييد اكبر من معارضته 

بالنسبالي انا قررت الصبر

هاصبر على الحكومة الجديدة لما نشوف اخرتها وهاصبر على عادل لبيب لما اشوف اخره

كفاياكم نكد

معلش رمضان  السنادي كنت اتمنى يكون بداية وفاق واتفاق  ووحدة واتحاد على كلمة واحدة هي مصر

لكن للاسف مش شايف اي حاجة تخليني اتفائل

رمضان كريم

انا آسف لتقصيري في متابعة التدوينات وزملائي المدونين
بس حالة احباط ان شاء الله تروح
غير ان رمضان وقته ضيق

للبيت رب يحميه

اسمع كثيرا في الاونة الاخيرة من يردد ان( للبيت رب يحميه) يقولونها حين يرون ما يحدث بفلسطين والمسجد الاقصى متخاذلين عن نصرته مخفين ذلك التخاذل خلف تلك الجملة التي بها كثير من التواكل

وبالفعل ان للبيت رب قادر على حمايته

 قبل ان تتعجلوا نعود بالزمن للوراء من قائل تلك الجملة قائلها هو عبدالمطلب جد الرسول صلى الله عليه وسلم وهو من اهل الفترة اي القوم الذين لم يبعث فيهم رسولا اي ان كل من كان موجودا في ذلك المكان وفي تلك الحقبة هم من اهل الفترة الذين لا يعرفون الله ولا يؤمنون به وعندما يقول احدهم ذلك كان لزاما على الله ان يثبت لهم صدق تلك العبارة فارسل الطير الابابيل على ابرهة وجنده

ولكن بعد بلاغ الرسالة وظهور الاسلام وجب على المسلمين المؤمنين بالله حماية بيته والزود عن حدوده 

 ننظر ما حدث في غزوة بدر قال الصحابة : لا نقول لك كما قالت بنو اسرائيل لموسى اذهب انت وربك فقاتلا انا هاهنا قاعدون بل نقول اذهب انت وربك فقاتلا انا معكم مقاتلون

 اي انهم لم يقولوا للاسلام رب يحميه ولم يتواكلو ولذلك سؤالي هل لو قالوا مثلما قال بنو اسرائيل كان سينزل الله لهم ملائكة تقاتل من اجلهم؟؟؟؟؟؟؟


ونتقدم بالتاريخ ليوم حاصر فيه الحجاج بن يوسف المسجد الحرام لان عبدالله بن الزبير رضي الله عنهما كان بداخله بل الادهى انه ضرب الحرم بالمنجنيق ولم تنزل الطير الابابيل لتحمي البيت الحرام

ونتقدم مرة اخرى بالتاريخ لعهد المعتضد حين دخل القرامطة البيت الحرام حين قتلوا المسلمين في الحرم ليس هذا فقط بل سرقوا الحجر الاسود وعادوا به الى بلادهم وبقى معهم اكثر من عشرين عاما

 قولوا لي اليس للبيت رب يحميه؟ بلى للبيت رب قادر على حمايته ولكن هذا ليس معناه التواكل بل معناه التوكل لو توكلنا على الله حق توكله وقمنا بحماية بيته بقدر المستطاع لايدنا لحمايته بجنود لم نراها ام ان نتواكل وكل وقت نقول ان للبيت رب يحميه ستكون نهايتنا على ايدي القرامطة الجدد او ان يرفع الله بيته اليه لاننا لا نستحق وجوده

قولوا لي اليس كل مسجد بيت لله فقولوا لي كم مسجد او كم بيت لله هدمته الصهاينة العديد والعديد ونحن نتخاذل تحت ذلك الشعار للبيت رب يحميه

وأخيرا اود ان أوضح  انني مؤمن بان للبيت رب قادر على حمايته وقتما يشاء وكيفما يشاء

بوست قديم

1/2008

باعوكي يا قدس

نمت ومش عارف الخبر ده صحيت عليه

واضح انه يوم باين من اوله

مكنتش احب اعلق على الاخبار في المدونة بس لما يبقى خبر زي ده وناس أقل ما يتقال عنها انهم خونة

والله حتي كلمة خونة قليلة

تخيل 2 مليار مسلم حاطين املهم ومعلقين املهم بشوية خونة

1600 وثيقة سرية تثبت خيانة اولي الامر المسئولين عن منظمة التحرير

صائب عريقات بيعرض على اسرائيل اكبر يورشاليم في التاريخ

تنازلات وتنازلات

مش عارف اقول ايه

ويا ريت على التنازلات بس كمان دعوة لاسرائيل بتشديد الحصار على غزة

والبيه احمد قريع بيضحك ضحكة مستهترة مع ليفني

مش هي دي اسرائيل اللي قالولنا زمان دي كوخة وعيب  مش هي دي اسرائيل اللي غنى عنها شعبان عبد الرحيم وقال انا باكره اسرائيل  واعتبرناه بطل قومي في وقتها مش هي دي اسرائيل اللي عملت مذبحة قانا ومذبحة بحر البقر وقتلت اطفالنا وشبابنا وبينا وبينهم حروب من زمان؟

هو احنا عشنا  كل السنين اللي فاتت دي وهم كبير وطلعت اسرائيل دي حليف  اكبر من ابن بلدك لما ييجي ابو مازن يكون عارف ان اسرائيل هتضرب غزة و احمد قريع يطلب من الاسرائيليين التشديد في الحصار على القطاع

مش عارف اقول ايه والله

الواحد مابقاش عارف صاحي ولا نايم

معقول بعد الذل اللي شفناه ده كله نديهم القدس بسهولة كده

مش كده وبس كمان نعترف باسرائيل كدولة ودولة يهودية كمان  يعني دولة مبنية على الدين ويضيع حق عرب 48 اشمعنا بقى العالم كله معادي ايران غلشان بيقولو عنها دولة دينية

معرفش بقى انا بكتب ايه سامحوني لحد دلوقت مش مستوعب الخبر اللي فكرني باللي حصل زمان ايام الدولة الايوبية  بعد ما صلاح الدين حرر القدس  وصل الحكم لابناء الملك العادل (اخو صلاح الدين)  وهم الكامل والمعظم عيسى والاشرف موسى ودب الخلاف بسبب المعظم عيسى الذي يريد توسيع حصته على حساب اخويه  فما كان من الكامل الا انه استنجد بفريدريك الثاني ملك صقلية  علشان يساعده في حربه ضد اخوه وطبعا ده مش ببلاش الثمن بقى كان تسليم القدس لفريدريك

و بعد ما اتفقوا مات المعظم عيسى وعاد الاستقرار في البيت الايوبي لكن فريدريك طالب بالقدس  وببعت رسالة للكامل قال فيها أنا مملوكك وعتيقك وليس لي عما تأمره خروج، وأنت تعلم أني أكبر ملوك البحر، وقد علم البابا والملوك باهتمامي وطلوعي، فإن رجعت خائبًا انكسرت حرمتي بينهم!… فإن رأى السلطان أن ينعم عليّ بقبضة البلد والزيارة، فيكون صدقة منه، ويرتفع رأسي بين ملوك البحر".

طبعا الملك الكامل اداهاله عن طيب خاطر بعد ما اتثبت بالكلمتين دول واعتبرها صدقة  وببلاش ومكنش محتاج ييجي بجيوش جرارة زي اللي جه بيها ريتشارد  ببلاش الكامل ضيع القدس

فهل صائب عريقات وابومازن وقريع كانوا زي الكامل وباعوها ببلاش؟ ولا حسابات سويسرا فيها كلام تاني؟

انا مصدوم يا اخوانا سامحوني

اكتشفت اني عايش في دنيا مش فاهمها

انا ايه بس اللي صحاني من النوم كنت نايم ومرتاح

بس انا صحيت من النوم يا ترى الشعب الفلسطيني هيصحى من النوم وهيعمل ايه مع الخونة دول؟

بكاؤهم و بكاؤنا

في البداية ارسلوا جاسوسا ليعرف احوال غرناطة فوجد ولدا يبكي فسأله ماذا يبكيك ؟ قال ابكي لاني اخطأت ان اصيب الهدف بسهمي  فقال الجاسوس يمكنك اعادة المحاولة وبالتاكيد ستصيب الهدف فكانت اجابة الولد التاريخية وهل سينتظر العدو ان اكرر ضربي بالسهم ثانية؟

هنا عاد الجاسوس لفرديناند وقال له لا تهاجموا الآن فالعرب متحفزون  ورابضون ومستعدون حتى باطفالهم

عاد الجاسوس بعد عدة سنين ليتفقد حال غرناطة فوجد شيخا يبكي فسأله ماذا يبكيك؟ قال الشيخ : هجرتني حبيبتي

هنا عاد الجاسوس وقال: الآن يمكنكم الهجوم فقد شغلتهم دنياهم عن الاستعداد والتأهب لاعدائهم

أفاق العرب من غفلتهم المؤلمة على صوت جيوش فرديناند وايزابيلا وهي تملا عليهم السهول والوديان خاضوا ضدهم حروبا يائسة للدفاع عن كيانهم الاخير (غرناطة ) ولكن هيهات لقوم فقدوا كل عوامل الانتصار  وتسلحوا بالياس  والبعد عن كل ما تعلموه من اجدادهم ان ينتصروا سقطت غرناطة في 21 من المحرم سنة 897 هجرية وعقد آخر ملوك غرناطة أبو عبد الله معاهدة التسليم مع القشتاليين وهي مكونة من سبعة وستين شرطاً منها تأمين المسلمين  على دينهم وأموالهم وعقيدتهم وحرياتهم مع العلم أنه لم يتم تنفيذ شيء من هذه المعاهدة وظهرت محاكم التفتيش واضطهاد للمسلمين وكان آخر العهد بابي عبد الله ان وقف بسفح جبل الريحان حيث سلم فرديناند وايزابيلا مفاتيح  غرناطة وظل يبكي على ملكه الغابر هنا قالت له امه عائشة الحرة المقولة الشهيرة ( ابكي كالنساء على ملك لم تحافظ عليه مثل الرجال )

قصصت تلك القصة المعروفة  للجميع في بداية كلامي كي نقارن لماذا كان يبكون و عماذا نبكي؟ كي نقارن بين بكائنا وبكائهم؟

بكاء الطفل كان لأن السهم لم يصب الهدف اذن فبكاؤه كان لخوفه ان يفشل في حماية ارضه ووطنه خوف بالتاكيد يحفز النفس لفعل المستحيل من اجل  ذلك

وبكاء الشيخ كان بسبب هجر الحبيبة وهو بكاء للشعور بالحزن وليس حافزا لشيء بل هو يمكن اليأس من التغلغل في النفوس واليأس حين يتمكن من الانسان فلا رجاء فيه ولهذا طلب الجاسوس من فرديناند الهجوم لانهم يائسون

اما بكاء ابي عبد الله فهو بكاء الندم ندم شديد على ضياع مجد ضحى مئات وآلاف بانفسهم لكي يحافظوا على ذلك المجد ولكن باستهتار بعض الملوك ونسيان ثوابتهم واندراجهم لملذاتهم على حساب شعوبهم وارضهم ضاعت غرناطة

آسف للاطالة ربما كان المدخل طويلا

لكن اجيبوني من ماذا نبكي الآن ؟ اقول لكم

من عام مضى كنا نبكي اشد البكاء عندما فشل منتخبنا الوطني في الصعود للمونديال بعد موقعة ام درمان الشهيرة والملقبة بام المعارك 

قولوا لي اضع هذا البكاء تحت اي بند؟

ربما يكون بكاء  للشعور بالاحباط؟

بكينا على عدم صعودنا لكأس العالم ولم نبكي على حالنا كشعب لا يجد عيشة راضية في وطنه

بكينا على عدم صعودنا لكأس العالم ولم نبكي على القدس وهي تهان باقدام الصهاينة يوميا

بكينا على عدم صعودنا لكأس العالم ولم نبكي على حال اخواننا في العراق

بكينا على عدم صعودنا لكأس العالم ولم نبكي على تقسيم السودان

بكينا على عدم صعودنا لكأس العالم ولم نبكي على مهانة امة تداعت عليها الامم كما تتداعى الاكلة على قصعتها وليس من قلة بل من كثرة ولكن كثرة كغثاء السيل وكما وصفنا الرسول صلى الله عليه وسلم منذ اربعة عشر قرنا (لينزعن الله من قلوب عدوكم المهابة منكم وليقذفن في قلوبكم الوهن ) والوهن هو حب الدنيا و كراهية الموت

هذا ما ابكانا

وهذا ما فهمه حكامنا فصاروا يضربون على ذلك الوتر

استقبل السيد الرئيس المنتخب العائد من موقعة ام درمان بعد الخسارة المدوية وبعد بكاء ثمانين مليون مصري وبعد كمية  من الأغاني الوطنية  استقبلهم استقبالا اسطوريا لأنهم كانوا السبب في اثارة مشاعر الشعب الذي لم تثر مشاعره من اي شيء آخر

وكانت المكافأة بالفوز بكأس الامم الافريقية

فبكينا مرة أخرى

بكينا من الفرحة وفي غمرة فرحتنا نسينا ان نبكي على غلاء الاسعار التي واكبت نفس الاحداث

نعم ذلك غريب

نوبة ارتفاع الاسعار وغلاء المعيشة لا تحدث الا بعد فوزنا بكاس الامم الافريقية

في 2006 عند فوزنا بالكاس كانت عبارة السلام تغرق فنسينا ان نبكي على غرقانا  وشجعنا وكبرنا وهللنا وخرجنا في الشوارع ودمعت اعيننا من الفرحة وهناك الف اسرة مصرية ثكلى

في 2008 عند فوزنا بكاس الامم وصل ثمن كيلو الفول والعدس الي اعلى معدلاتهما وهما الطعام الرئيسي للمواطن محدود الدخل ولم ننتبه لذلك لاننا كنا نفرح وتدمع اعيننا بالفرحة

والآن بعد كل ذلك اقف متحيرا يا ترى متى يمكن ان يبكي ذلك الشعب بعد كل ما يمر به من ذل وهوان ولا اقصد الشعب المصري فقط فالشعب المصري هو جزء من الشعب العربي واظن انها نفس ظروف جميع العرب ولكنني اختصصت في تلك الامثلة مصر لاني عشتها ورأيتها 

ما الذي يمكن ان يبكي شعوبنا العربية الآن؟

هل هو سهم لم يصب الهدف

ام حبيبة تهجر

ام ملك غابر 

الاندلس ضاعت

جنوب السودان ضاعت 

القدس ضاعت

فما الذي سيضيع بعدهم؟

كن جلسرينا ولا تكن ماء

في احدي التجارب المهمة لقياس معامل اللزوجة للسائل يتم اسقاط كرة سقوطا حرا داخل السائل وعلي حسب لزوجة السائل وترابط جزيئاته سنري ما يحدث فلو كان السائل ماء لسقطت الكرة بسرعة بداخله واخترقت جزيئاته سريعا ولما استقرت به اما لو كان جلسرينا فانها تلاقي مقاومة كبيرة ومعاناة شديدة كي تخترق الجزيئات وتستقر في قلب الجلسرين معلقة

في اعتقادي ان الناس كالماء والجلسرين البعض يحبون ويثقون سريعا في الاخرين ولذلك فان الاخرين يخترقون قلوبهم سريعا ويستولون عليها ويخترقونها للجهة للاخري فيلاقي المائيون العناء البداية في تناثر الماء عند اسقاط الكرة بداخله بعكس الجلسرين ثم من اختراق قلبه والمرور منه

قلب المائيون كالشارع تمر به الناس ولا يلقون  بالاللمعاناة التي يعانيها وهم يطئون باقدامهم عليه او ما يتركون من مخلفات او اتربة فهل هذا عيب المائي؟

قد يعتذرون وقد لا يشعرون بعظيم ما فعلوا ولكن سيبقي الماء ماءا تخترقه الكرة مرارا دون ان يتعلم ولا يعرف كيف يحافظ عليها داخل قلبه فتستحوذ عليه كالسابق وتغادر والماء كل مرة يعاني ولا يستطيع ان يكره تلك الكرة او يمنعها من المرور

انه الحب حين تهوى بكل مشاعرك فتفني في هوى من تحب ولا تلقي بالا لمعاناتك في سبيل اسعاده او اشباع نزواته البعض يسمون ما تفعله الكرة خيانة ولكنها في رايي خصائص الكرة التي تميزها والتي جعلت الماء يهواها ان الماء هو من يحب ان يعاني هو من يوهم نفسه ان الكرة تهواه

هل هناك بالفعل قلوب مائية وقلوب جلسرينية؟

هل هذا عيب المائي حين وثق واحب سريعا ؟

هل يجب ان يدع الناس تعاني وتشعر بالمشقة كي يصلون الي قلبه ويستقرون به كالجلسرين؟

وما نوعية تلك الاختبارات التي يجب ان يلاقوها لكي يستقروا بالقلوب

هل شعرت يوما ان قلبك من نوعية الماء تعاني دوما في من تثق بهم وتشعر بالخيانة حين يخترقوا قلبك الي الجهة الاخري؟

هل لو اسقطت الكرة مرة اخري في الماء سيتعلم الماء الدرس ويجعلها تعاني ان تصل الي قلبه ام انه لا يتعلم قط؟

دعوها تحلق عاليا باجنحتها

توجد امثلة شعبية وموروثات كثيرة عن الاجنحة هناك مثل يقول

قصقصي ريش طيرك قبل ما يلوف على غيرك

وهناك قصة موروثة بين اثنين من الطفيليين الذين ياكلون دائما وهم يقتسمون فرخة يقول احدهما للاخر

اصدرني واورك نفسك واعطي الغشيم الاجنحا

حتى في كرة القدم صارت الخطط لا تعتمد على اجنحة صريحة في الماضي كانت الخطط المتبعة 4-4-3 وجود جناحين صريحين واليوم اختفت الاجنحة صار هناك باك رايت وباك ليفت وهاف رايت وهاف ليفت واختفت الوينجات في الخطط 4-4-2 و 5-4-1

بل صارت فيروز ترمز للاجنحة بالياس حيث تقول

انا مش سودة بس الليل سودني بجناحو............. مرقوا خيالة على الخيل تركوني وراحو

يبدو انني ابعد عن الموضوع كل ما اقوله اننا اليوم نظلم الاجنحة كثيرا

من منا يحب افلام يوسف شاهين انا احب افلامه اعشق فيلم الناصر صلاح الدين واحب فيلم عودة الابن الضال اما فيلم المصير فساتكلم عنه يقول يوسف شاهين في تتر النهاية بامضائه

الافكار لها اجنحة لا يستطيع احد ان يمنع وصولها للناس

بالفعل الافكار لها اجنحة ولكننا اليوم في زمن اندثرت فيه الاجنحة وانتهت(واليوم اختفت الاجنحة صار هناك باك رايت وباك ليفت وهاف رايت وهاف ليفت واختفت الوينجات)

بل صار كل من يملك جناحا يخاف عليه من الطيران ويقصقص ريشه(قصقصي ريش طيرك)

وان حاول احدنا ان يجعل افكاره تطير وتصل للاخرين يتهمه الاخرين بالبله والجنون ( واعطي الغشيم الاجنحا)

ولم يتبقى في الساحة الا طائر الليل الحزين الذي يخيف كل الطيور الاخرى ويطردها من داخلنا الا هذا الطائر الذي ملا نفوسنا ياسا من انفسنا في ان نفكر او ننتج افكارا تليق بنا (انا مش سودة بس الليل سودني بجناحو)

بل الادهى صرنا نذبح كل ما هو طائر وكل ما له اجنحة بحجة انفلونزا الطيور

يبدو انني ابعد اكثر عن الموضوع ساعود قلت ان للافكار اجنحة فلماذا نسجنها داخل قفصنا الصدري ونودعها داخل قلوبنا ونمنعها ان تحلق بعيدا لكي يراها الناس انها تكتم على انفاسنا داخل صدورنا والدليل دوما يقولون لك( فضفض علشان ترتاح) وهذا صحيح لو انك اخرجت ما بنفسك لاحسست بالراحة

ولكننا دوما ودوما نمنعها ان تحلق وان تطير لماذا؟

هل لاننا نخاف من الانتقاد هل نخاف ان ينتقدنا الاخرون لا نؤمن بالراي الاخر نرى ان وجهة نظرنا صحيحة لاقصى درجة لا نؤمن بمبدا اختلاف الراي لا يفسد للود قضية؟
ام لاننا نخاف من سخرية الاخرين من افكارنا هل بالفعل نخشى سخريتهم وهل نحن نسخر من افكار الاخرين؟
وهل ان سخروا منا هل هذا ينقص من افكارنا شيء ؟

شمعة الحياة

يقولون الأمل هو شعاع النور الذي يمحو ظلام الياس


ويقولون ان الامل هو شمعة تنير لك الطريق كي يسهل السير فيه وتعرف اين تطا قدميك


ولكن في تلك الايام اعترت طرقنا عواصف عاتية ورياح هادره حتي اننا ارتبكنا في امرنا هل نحاول ان نبعد تلك الشمعه التي هي الامل عن تلك الرياح ونحميها منها ام نكمل الطريق


صرنا نتخبط تارة نضم الشمعه قربنا خشية ان تنطفئ فيقل ضوئها في المكان وتاره نحملها كي نري الطريق والرياح عاصفه صرنا نخطو خطوه ونقف كي نحمي الشمعه فتردنا الرياح للخلف مرة اخري وصرنا هكذا خطوه للامام واخري للخلف حتي نستسلم


ومن استسلم منا وانطفات شمعته فانه يقرر قرارا من اثنتين ام ان يقف محله خوفا من التخبط فيقرر الا يكمل طريقه وهذا هو من قرر الانتحار قنط وياس في الوصول لهدفه فظل مكانه ساكنا ورفض النضال حتي يصل لنهاية طريقه حيث الضوء


ومنا من حاول ان يكمل طريقه في تلك الرياح دون شمعة يظل يتخبط يمنة ويسارا دون ان يكون له هدف محدود يظل يحارب ويحارب طواحين الهواء حربا بلا هدف وهو يعرف ذلك وحين تساله عن حياته وهدفه تجده يقول انما الحياة مرحله بين الولاده والموت مضطر ان اظل باق حيا حتي اموت ادور في تلك الساقيه كالثور الاعمي انتظر ان يوقفني الموت لا هدف لا امل لا ضوء


ومنا من كان يحمل في جعبته مصباحا لا يتاثر بتلك الرياح يري هدفه ويعرف كيف السبيل اليه لا يوقفه شيء يري تلك الرياح العاصفه كانها نسمات الربيع فيحمل بين طياته احلامه التي يسعي اليها وكلما يصل الي هدف يظل ينظر الي هدف ابعد وهكذا تتكاثر اهدافه الي ما لانهايه


ومنا من ارهقته الظلمة والرياح فغلبه النوم فظل يحلم بالضوء وظل يحلم بالحياة والسعاده كانها بين يديه يراها ويلمسها فيستيقظ فلا يري شيئا من ذلك لا يري الا ظلام حالك فيا لها من حسرة


الحياة هي من اياست هؤلاء وجعلت هؤلاء يرجون في المزيد


وما بين الرجاء والياس تقع الحياه في تلك البؤرة فطوبي لمن عرف حقيقتها وتعامل معها وهو يدري دروبها