الثلاثاء، 3 يوليو، 2012

واجب برضه









1/عرف نفسك؟
هاقتبس في اجابتي التعريف اللي وضعته على كتابي لأنه الأقرب الي 
لماذا تود ان تعرفني؟ اما تكفيك كتاباتي لتعرفني منها؟ حسنا سأريحك لو تقصد التعريف التقليدي فأنا مصطفى محمد سيف الدين صيدلي مصري من محافظة قنا ... اما ان كنت تريد ان تعرف اكثر فلن تجد اجابة عندي احيانا ارى نفسي طفلا مرحا يملك الدنيا واحيانا اراني شيخا عبوسا ملكته الهموم ربما ان نظرت للمرآة رايتني او رأيت شخصا يشبهني فان كنت تعرفني فاخبرني من اكون لأنني لا اعرف من يكون مصطفى سيف



2/ما اكثر ما يميز شخصيتك ؟
بكل بساطة لا اجد ما يميزني غير سماجتي في بعض الأحيان


3/ما هي اهم نقطة تحول في حياتك؟
يوم ان الغيت التكليف لاعمل بمصنع ادوية و رفضت السفر للخارج مكتفيا بذلك و في النهاية اكتشفت مدى غبائي لأني نسيت اننا في مصر حيث كل شيء فيها يفشل 


4/ كيف دخلت عالم التدوين 
كنت عضوا في احد المنتديات و تعرفت على المدونة البورسعيدية نهر الحب صاحبة مدونة اوتار  آنذاك , و يوم ان أنشأت مدونتها ارسلت لي رابطا لها فصنعت مثلها و كان ذلك منذ اربعة اعوام الا انني اهملت المدونة حتى قابلت المدونة هبة فاروق في احد المنتديات و عدت لعالم التدوين من خلال تواصلي بمدونتها


5/ ما اسم مدونتك و لماذا اخترته
اسمها طير الرماد اخترته من خلال اوبريت طير الرماد و هو اوبريت يتحدث عن الشعب اللبناني و كيف انه لا يموت و ان احترق فانه يعود للحياة لينطلق للسماء اخترته لأنني دوما يائس فكنت اريد اسما يبعث في الأمل من جديد 


6/ صف مدونتك ؟
حينا أراها بعض مني و حينا اراني بعض منها, هي فقط تكملني و تحمل وجهي الآخر 


7/ من هم أكثر الشخصيات الذين أثروا بك في عالم التدوين و خارجه ؟
كل اصدقائي المدونين أثروا في بل ليس هم فقط كل من أقرأ له أو اعرفه فهو يؤثر في تأثيرا مباشرا او غير مباشر لكن من لم أرهم في الحقيقة أحمل لهم شوق خاص و حين يكون رؤياه بعيد المنال لذلك على رأس هؤلاء المدونين صديقي الذي تمنيت أن أراه و اتمنى كثيرا ان اراه و سألت الله ان لم يقدر لنا ان نجتمع في تلك الدنيا ان يجمعنا في الآخرة هو استاذي الذي يقرؤني جيدا و اكثر من يفهمني ابو حسام الدين (رشيد أمديون ) 
الثاني  الشيخ الشهيد / عماد عفت تعلمت منه الكثير لكن أكثر ما تعلمت منه أن تحيا الحياة كغريب عنهم لا تدعهم يرونك فالله يحب العبد الخفي لذا حين ترفع يديك الى السماء لتطلب الشهادة فدعائك يتحقق يقينا رحمك الله يا شيخنا 
الثالث :دوريان جراي و هو ليس بشخصية حقيقية و انما اختلقه اوسكار وايلد في روايته صورة دوريان جراي , هو ذلك الرجل الذي كانت صورته تعكس حقيقته بينما وجهه يظل جميلا بعكس روحه و اليوم الذي واجه فيه نفسه لم يتحمل الحقيقة لذا لدوريان جراي مكانة خاصة عندي




8/ما هي طقوسك الخاصة عند الكتابة ؟
الرقاد فقط للنوم بعدها أهرب من أفكاري في حياتي الخاصة الى عالم الخيال فأكتب


9/ ما هو الاسلوب الافضل لديك في التدوين ؟
الاسلوب الافضل هو ان أكتب فقط ان أكتب ما بداخلي بدون تزيين


10/ في رايك ما هو اهم ما يميز تدويناتك؟
لا اعلم لكن اعتقد الرمزية , فالرمزية تجعل للقصة اكثر من جانب لتصبح اربع او خمس قصص كل يقرؤها حسبما يعتقد


11/ ما هو تقييمك لعالم التدوين في الفترة الأخيرة؟
أصابه كثير من الفتور و البعض اصبح مقلا جدا 


12/ اختر اقرب تدويناتك لنفسك
الاقرب الى نفسي نافذة لها قضبان  و مثلث برمودا
لكن أفضل ما كتبت و انا راض عنه من حيث الصيغة و الأسلوب و لا أظن انني سأصل لتلك الدرجة مرة أخرى لأنني لا اعلم كيف كتبتها هي الواو 


13/ استعرض اهم المواقف الطريفة و الغريبة التي صادفتك في عالم التدوين؟
في حملة التدوين السنة اللي فاتت كنت منظم و بحب انشر تدويناتي الساعة اتناشر بالظبط كان في يوم منها هو يوم فرح اخويا حاولت بقى اقنعه يقوم للزفة بدري و كده و هو مفيش و مرضيش المهم وصلت البيت الساعة واحدة بعد ما خلص الفرح قبل ما اغير نشرت التدوينة:) مكنتش اعرف حكاية النشر التلقائي دي 


14/هل احدث التدوين تأثير عليك؟ و كيف؟
نعم جعلني أكثر تواصلا مع نفسي  كما عرفت الكثير و الكثير من الشخصيات الذين أثروا على تفكيري و جعلوني أعيد وجهات نظري في اشياء عديدة


15/اختر اي مدون و وجه له سؤال؟

اسأل الدكتورة شيرين سامي زميلتي في الصيدلة و رفيقتي في التدوين  
مش كفاية 15 يوم على الحملة يا دكتورة لازم شهر يعني ؟ 

60 التعليقات:

مُحمد السيّد يقول...

جعلني أكثر تواصلا مع نفسي.. أتفق معك جداً في معظم اجاباتك


ألا تتفق معي ياصديقي أن هناك الكثير من المدونين أصبحوا يزورون المدونات لمجرد الزيارة فقط ... والكثير من التعليقات أصبحت تحمل الكثير من المبالغات

لماذا الإنسان يحول كل شئ جميل إلى شئ ممل

أود أن أشكرك يا مصطفى على متابعة تدويناتي و تشجيعي الدائم :)

سندباد يقول...

حتي وانت تكتب عن نفسك عبقري ياصديقي خلتني اضحك واتامل واحلل واتذكر في وقت واحد فعلا انت علامة في عالم التدوين
تحياتي ياصديقي

ظلالي البيضاء يقول...

أوافقك أخي مصطفى أن المبالغة أحياناً والمدح يكثر في التعليقات ..
لذلك أقترح القيام بحملة للتشجيع على عدم المبالغة في التعليق ..
سعيد بالتعرف عليك سابقاً ..
وسعيد بالتعرف عليك مجدداً ..
دمت بألف خير ..

ليلى الصباحى.. lolocat يقول...

اكثر مايميز حملة التدوين اليومى هذا العامهذه الاسئلة
اعتقد انها جيدة لايضاح شخصية المدون و مبادئه وافكاره اكثر
وتتيح للاصدقاء التقارب فيما بينهم

رائع ياسيف التدوين ...كان لى شرف متابعتك من اكثر من عام وتعلمت من كتاباتك الكثير والكثير و سبحنا معك فى قصصك الجميلة الهادفة

واتشرف دائما ان اكون من زوار مدونتك التى لاول مرة اعرف معنى اسمها ومن اين اتى :)

تحياتى لك اخى الكريم ودمت بتألق

مصطفى سيف الدين يقول...

محمد السيد
اشكرك يا صديقي و لم أقوم على تشجيعك سوى لايماني بموهبتك و انت تعلم جيدا ذلك و صدقني قصتي صياد و مختلف قد أثرا في لدرجة انني اعدت النظر فيما اكتب في ذلك الوقت
دمت مبدعا يا صديقي اما عن المبالغة و ان لم اذكر ذلك في تدوينتي الا انني اوافقك في انها قد تجعل من التدوين عالما مملا
تحياتي لك

مصطفى سيف الدين يقول...

سندباد
اشكرك يا صديقي العزيز منكم تعلمنا :)
نورتني

مصطفى سيف الدين يقول...

ظلالي البيضاء
نورتني يا استاذ محمد انا لم اذكر ذلك لكن هذا السؤال سألني اياه الاستاذ محمد السيد
و اتفقت معه و معك في ان المبالغات قد تؤدي لنتائج عكسية
اشكرك استاذي و انا الاسعد بمعرفتك

مصطفى سيف الدين يقول...

ليلى الصباحي
اشكرك يا صديقتي و انتِ تعلمين مدى سعادتي من تواجدك و حضورك هنا
و تعلمين قدر احترامي لكِ يا اختاه
اشكرك و نورتيني
بس كنتِ سألتيني عن معنى الاسم :)

أبو حسام الدين يقول...

جميل ومختلف ما قرأت اليوم هنا.
كم قرأت لك وتابعت، وعرفتك أكثر فأكثر من خلال ما ينعكس من أفكار على صفحة حروفك، أسعد دوما أن أتابع قصصك الجميلة، كما أني أجدني في حلبة من المتعة والخيال، ومن توظيف للرمز الذي هو عنصر مهم يخدم أعمالك الكتابية.
أنا فخور جدا بك يا صديقي، كما أني فعلا أتمنى من الله أن يجمعنا في يوم في الدنيا، فإن لم يكتب لنا لقاء ففي الآخرة بجوار الحبيب المصطفى.
حياك الله أخي العزيز.

مصطفى سيف الدين يقول...

ابو حسام الدين
انا فخور بك ايضا يا صديقي و صدقني تعلمت منك الكثير و الكثير و اثرت في دائما و اتوق لذلك اليوم الذي نلتقي فيه ان لم يكن في الدنيا فهو في الآخرة بجوار المصطفى صلى الله عليه و سلم كما قلت
تواجدك دائما يسعدني يا صديقي

ahmed said يقول...

مساء المكان وما حوى
الأستاذ الفاضل ..
" مصطفي سيف الدين "
:
وسيرة ذاتية عطرتها طيب أنفاسك
واجابات رائدة ذكية تدل على شخصيتك
طيبة مثقفة راقية ، وروح عذبة
تتجلى في نفس آدم فتتنسم
وتتوشح بالنور
وقفت أمام اجاباتك كثيراً
استشعر الدفئ !
حقيقةً تشرفت بك
تحية و تقدير .

..
..
..

أحمــ سعيـد ــد

مصطفى سيف الدين يقول...

استاذ احمد سعيد
اسعدني ان وجدت بين تدوينتي دفئا و نورا
و انت من منحت مدونتي ذلك النور و البهجة
اشكرك يا صديقي و اتمنى ان اظل دوما عند حسن الظن

Aya Mohamed يقول...

جميل جداا وبحب تعريفك بنفسك اوى
ومبسوطة انك جاوبت على الاسئلة كلها
حسيت انها صعبة بردو ولا عادى ؟:)

;كارولين فاروق يقول...

جميله اجاباتك جدا يا دكتور
اسعدني ان اتعرف عليك اكثر
فدائما تأتي بكلام مقنع وفلسفي
وعلشان انت برج السرطان المعروف
بالغموض مثلي مش عارفه ليه بيحب
الغموض ولا يحب الكشف عن شخصيته يمكن علشان حساسيته الزاده احتمال
ولكن هذا لا يمنع اني استمتعت بهذا الحديث
تحياتي

الازهرى يقول...

طير الرماد هو العنقاء

ولقد عشقته منذ سنوات طويلة
وعندى عنه الكثير من الكلام

تحياتى على العرض الرائع الموضح

هاخد الأسئلة من عندك
علشان أنا مفيش عندى فيس ومش هأعرف أدخل أجيبها
بس يا رب تكون آخر حاجة

re7ab.sale7 يقول...

هههههههههه
عجبني سؤالك لشيرين سامي اوووي
اية يا دكتور ده انت نبع لا يجف
عجبني اووي كلامك
انت عارف اصلا انه بيعدجبني اي حاجة بتكتبها
مساءك ورد

شمس النهار يقول...

اجابات صريحة
وبعضها يشبه تدويناتك كل واحد يفهم منها اللي عايزه
:))

اهم شئ انك منور بلوجر
ومدونتك من المدونات المهم بالنسبة لي ودائما انتظر ماتكتب
واقراه مر واتنين واحيانا تلاته حتي استطيع ان اعلق
مش غباء مني :))))
لس بحب استوعب كلامك اكتر
:))

شيرين سامي يقول...

هههههههههههه
لأ مش كفايه

إحنا بنستمتع عندك يا مصطفى عايز تحرمنا من هذه المتعه يعني :)

طبعاً براحتك لكن وجودك بينا يعني الكثير يا صديقي و زميل الصيدله و التدوين و المعطف و الكتاب كمان :)

تحاتي لك و دمت متألق و بألف خير

مصطفى سيف الدين يقول...

آية محمد
الاسئلة صعبة يا آية بس انا شطور :)
ههههههههه
تسلمي يا آية و انا سعيد باليوم الموحد و سعيد ان اجاباتي عجبتك
نورتيني

مصطفى سيف الدين يقول...

كارولين فاروق
مادام انتي سرطان يبقى كل سنة وانتي طيبة و عقبال 100 سنة معرفش عيد ميلادك بالظبط بس اكيد اليومين دول
معرفش الصراحة خصائص السرطان و حكاية الغموض بس باعشق الغموض برضه :)
فرحان ان اجاباتي عجبتك
نورتيني يا كارولين

مصطفى سيف الدين يقول...

كارولين فاروق
مادام انتي سرطان يبقى كل سنة وانتي طيبة و عقبال 100 سنة معرفش عيد ميلادك بالظبط بس اكيد اليومين دول
معرفش الصراحة خصائص السرطان و حكاية الغموض بس باعشق الغموض برضه :)
فرحان ان اجاباتي عجبتك
نورتيني يا كارولين

مصطفى سيف الدين يقول...

الازهري
العنقاء هي طير الرماد عارف كده علشان كده قلت انه رمز للامل الاجنحة المحلقة بعد الاحتراق
شكرا يا صديقي
و تمام يا باشا مفيش غير دول اتطمن بس لو عايز تاني ابعتلك اسئلة لوحدك مخصوص :)

مصطفى سيف الدين يقول...

رحاب صالح
نبع لا يجف؟
روحي ربنا يجبر بخاطرك ههههههههه
شكرا يا رحاب شرف ليا ان كتاباتي بتعجبك
تسلمي يا رحاب و تورتيني

مصطفى سيف الدين يقول...

شمس النهار
و ده شرف ليا يا شموستنا
ربنا يخليكي و يجبر بخاطرك يا رب :)

مصطفى سيف الدين يقول...

شيرين سامي
اللي تعباني ههههههههه
بصراحة يا شيرين مش عارف اشكرك ازاي مرت عليا فترة كنت بافكر اقفل المدونة اصلا و حسيت فيها اني شطبت خالص
لولا اصرارك على الحملة يمكن مكنتش هاقدر ارجع كده
ربنا يخليكي يا شيرين و يحفظك

Bahaa Talat يقول...

السلام عليكم...
لأسباب كثيرة بعضها أعرفه والبعض الآخر لا أعرفه قررت عدم المشاركة في حملة التدوين اليومي، على الرغم من أنني في وقت ما كنت أنتظرها بفارغ الصبر، ولكنني حقا استمتعت بما قرأته في مشاركات بعض المدونات التي أتابعها وعلى رأسها طبعا مدونتك.
إجاباتك أثارت الكثير من الانفعالات في نفسي، ربما كان لدي نفس الإجابة عل بعضها بالذات موضوع اعتراضي على الإقلال من التدوين الذي أصاب البعض وينذر بانسحابهم من هذا العالم، ولكن حسبي أني قد تعرفت من خلاله على عالم رائع ممتلئ باللآلئ والدرر النفيسة!
أود أن أستغل الفرصة وأعبر لك عن مدى إعجابي بأسلوبك في الكتابة، لدرجة أنني يوما ما كنت أتمنى أن أمتلك هذا الأسلوب الراقي (بس مش حسد والله!)، وصدقني ليس في هذا مجاملة!
تعلمت هنا شيئا مهما جدا، وهو أن اختلاف الآراء والرؤى أحيانا لا ينبغي أن يفسد للود قضية، وأن الإبداع يجب أن يحوز على الإعجاب، فإن كان موضوع الإبداع لا يروقني فعلى الأقل لا ينبغي أن أهاجمه!
تدوينتك السابقة لم تظهر عندي في البلوجر وتحايلت لقراءتها ولم أستطع التعليق عليها هناك، وددت لو علقت عليها بكلمة واحدة "رائعة"...
تقبل تحياتي..

ريـــمـــاس يقول...

صباح الغاردينيا أستاذ مصطفى
اممم انا بقى حسيب كل الي كتبته عشان أقول بالذمة ردودك دي مش ردودو أستاذ الكلمة دي كنت بتتحايل عليه ماقولهاش ومع كدا كنت بكسف واحس انك أستاذ بجد بحب فيك تواضعك ودايماً بحس مصطفى متعصب حاد احياناً لكن داخله انسان حنين بيخاف من الستات مش عارفة ليه هههههه رغم انه لما يكتب عن الحب بيبقى حرف رومانسي بجد اممم حكاية الساعة اتناشر دي لانه كان بتوقيت السعودية تقريباً وحدة الصبح وكنت بجري احاول اكون اول كومنت هههههه والسنة الي فاتت كنت كريم واديتني ايس كريم :)
أستاذي أرجع أقولك ربنا يوفقك يارب وتفضل بنفس إبداعك وعطائك "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

هههههههههههههههههه

انت بنى ادم جميل يا مصطفى
بعيد عن الكتابة و الابداع و الموهبة
و ضوء اسود و ضوء بمبى و الحاجات اللى بتتعبنا بيها
بس الابداع و الموهبة لا علاقة له بالانسانية
و انت انسان صحيح و ده المهم


تحياتى

rona ali يقول...

حتى اجابابتك بتحمل اكتر من معنى كده كتييير
لكنى استمتعت جدااا

وصحيح مش كفايا 15 دة انا كده وبتاخر :)))

richardCatheart يقول...

امسسسسسسسسسسسسسسسسك اه يا درش يا نصاااااااااااب ههههههههههههه اسال دكتورة شرين ايه سمعنى كدااااااااااااا ياعنى عايز تبلغ فرار وجايلى البلوك تقولى لالالا ماينفعش لسه بدرى على رائى فريد شوقى ودا مش حبيب رشدى خالص ههههههههه عملتها قبلك والحقيقة ان الاخوان عملوها قبل الكل :)

والله ورب العزة انت ممتع حتى وانت بتجاوب على اسئلة ليك مذاقك ووقعك المختلف والاهم من دا رؤيتك اللى هى اساس جمييييييييييييييييييييييييييييييييييييييييل يا درش ربنا معاك وتعيش وتمتعنا بارقى الكلام والافكار يا دوك :)

حبيب رشدى وربنا يا درش ربنا يحفظك :) صباحوا مانجة :)

مصطفى سيف الدين يقول...

بهاء طلعت
اشكرك على الاطراء يا صديقي و اتمنى ان اكون اهلا له
الحملة التدوينية لها عيوبها بالتأكيد لكن يكفي ان تتحدى نفسك و تجد بداخلك ما يمكن ان تقوله كل يوم
اتمنى الا يهجرنا احد و انا يعود الجميع الى مدوناتهم ليمتعونا اكثر
الاختلاف في الراي ظاهرة اجابية و من حق الجميع التعبير عن رايه كي تتضح الصورة كاملة من جميع الزوايا
اشكرك يا صديقي و انت حقا لك اسلوبك الخاص و الراقي في كتاباتك و الذي احبه كثيرا
تحياتي

مصطفى سيف الدين يقول...

ريماس
انا آسف انا مجبتلكيش ايس كريم السنادي اهوه احلى ايس كريم لاحلى ريماس
http://2.bp.blogspot.com/-MOCQHg84NCA/TprLq0mJyUI/AAAAAAAAEEA/1EQZNPC0cnI/s1600/ice_cream.jpg

اوعي بس حد من العيال ياخده منك :)
انتي بقى الاستاذة اللي بنتعلم منك دايما
ربنا يخليكي يا ريماس و يتقبل دعواتك التي لكِ مثلها ان شاء الله

مصطفى سيف الدين يقول...

ابراهيم رزق
انت اللي بني آدم جميل و فخور اني عرفته
ربنا يخليك يا ابو العيال دايما تاعبينك معانا

مصطفى سيف الدين يقول...

رنا علي
فين ده ؟
هي اجاباتي مش واضحة اعملكم ايه بقى ههههههه
و انا بقول كفاية اوي خمستاشر ده ربنا سترها لحد دلوقت :)

مصطفى سيف الدين يقول...

مارو
رشدي حبيب الملايين مينفعش يتهرب و لا يوقف
طيب قولي انتي الستات تعمل ايه لو رشدي اختفى؟
لكن بالنسبالي عادي يعني
ربنا يخليكي يا مارو و يحفظك و يوفقك و تفضلي دايما معانا
تحياتي

أحمد أحمد صالح يقول...

أنا تعرفت عليك مسبقا دكتور مصطفى من خلال كتابك ضوء أسود و من خلال كتاباتك و تعليقاتك، خاصة أنك تقول أن المدونة منك و انت منها..لكن طبعا ما كتبته أنت اليوم اوضح الصورة أكتر..تقبل تحياتي

وجع البنفسج يقول...

سعيدة بتعرفي على جوانب جديدة من شخصيتك اخي مصطفى ..

أعجبني اختيارك لاسم المدونة طير الرماد

أما بالنسبة لقصة الحملة لـ 15 يوم ، باين عليك تعبت من التدوين اليومي .. بيني وبينك هو فعلا متعب جدا بس مفيد وفيه نوع من التحدي .. وهذه اول مرة بالنسبة لي التزم فيه .. وتعبت كثير كثير بس مصرة على الاستمرار .. ربنا يوفقنا كلنا في التدوين اليومي علشان نطلع بفايدة في الآخر ..

تقبل تحيتي ..

كريمة سندي يقول...

لازن تجاوب تاني عشان نعرفك بشكل أعمق وموسع تحياتي

فاتيما يقول...

ههههههههه

انا بضحك على آخر سؤال دا واجابته
ههههههه

مش قد التدوين اليومى بتدونوا ليييييه ؟؟

عرفتوا ليه مبعرفش اشارك ف الحملات اللى بالنوعية دى ليه ؟

انا ست كبّرة وصحتشى على قدى
مش حمل كل يوم كل يوم دا ..
يلا
كملوا وانتوا ساكتين بقى
امركو الى الله

والله تدويناتكو مونسانى
بس مش ملاحقة أعلق على كل حد

بس مبسوطة بجد



بخصوص اجاباتك
هيا شبههك
قوى


تعرفوا بقى التيجان دى
مبينة حاجة مهمة جدااااا
كعامل مشترك بينكم جميعا ولسه ملاحظاه حالا دلوقت ...

ان المجموعة اللى بعرفها ف التدوين
ناس صادقة وصريحة لأقصى حد

يعنى محدش فيكو كاتب اجابات تمثيل
ولا راسم نفسه
الكلام شبهكو قوى وبيمثلكو


ادى تانى ميزة للتدوين اليومى
والتيجان اهو
:)


كل تاج وانتا طيب


آه
ومتقولش على نفسك سمج
لا ف بعض الاحيان ولا أى وقت
ممكن ؟

mohamed يقول...

حقيقة تشرفنا بمعرفتك يا دكتور
وننتظر تدويناتك
تقبل تحياتى

مصطفى سيف الدين يقول...

احمد احمد صالح
اشكرك يا صديقي و اتمنى يكون الكتاب عجبك :)
و فعلا ما نكتبه نعطيه منا و من ارواحنا
اشكرك يا صديقي و نورتني

مصطفى سيف الدين يقول...

وجع البنفسج
لا متعبتش من الحملة و لا حاجة بس المشكلة اني مش جاهز و مش عايز اكتب اي حاجة
هو بس ارهاق ذهني و ان شاء الله هاكملها
اشكرك و شدي حيلك كمان انتي :)

مصطفى سيف الدين يقول...

كريمة سندي
ليه طيب؟
هي الاجابات فيها ايه مش واضح؟ :)
شكرا ليكي و نورتيني

مصطفى سيف الدين يقول...

فاتيما
تصدقي لما قريت اسمك كان هاين عليا ارش المدونة رملة :)
نورتي المدونة
بس على فكرة بقى لو قررتي الاشتراك في الحملة هتحسي نفسك صغرتي عشر سنين و صحتك بقت زي الفل
انا كنت برضه مش عارف ان كنت هاقدر اكتب و لا لاء و كنت منقطع عن التدوين الفترة اللي قبل الحملة و مش مجهز حاجة بس لما نويت اكتب لقيت اللي اكتبه

و احنا لو نعرف ان مدوناتنا هتسعدك و تونسك كنا عملنا الحملة دي على مدى السنة كلها مش شهر :)
ربنا يخليكي يا فاتيما بس صدقيني اللي هيرسم نفسه هيتكشف لأن أفكاره و كتاباته هتبقى فاضحاه احنا في عالم التدوين كله مكشوف على بعض
يمكن في اول تدوينة ترسمي صورة غلط للي كاتبها التدوينة التانية هتوضح شوية التالتة هتوضح اكتر لحد ما تبقى صورة المدون واضحة جدا وقتها لما يحاول يرسم نفسه هيبقى مفضوح علشان صورته الاصلية عندك
و علشان خاطرك انتي بس مش هاقول على نفسي سمج
نورتيني بجد
فرحت اوي بتعليقك

مصطفى سيف الدين يقول...

محمد
اشكرك يا صديقي
بارك الله فيك
نورتني

Menna يقول...

السلام عليكم
لحد ما قريت دلوقتي من احلى الناس اللي اتكلموا عن نفسهم طول مانا بقرا التدوينة مش بطلت ابتسم خصوصا في حكاية فرح اخوك دي :)
و بعدين يا سلام بقى انت عاوز الحملة تبقى 15 يوم بس؟ دا انت بالذات مخلينا عاوزين نطلب من الدكتورة شيرين نخليها 365 يوم
بجد بجد من الناس اللي اتشرفت اوي اني اتعرفت عليهم و مبسوطة و بتمنى من الله يديم المعروف ديما و المعرفة في الخير باذن الله :)

مصطفى سيف الدين يقول...

منة
ربنا يخليكي و يحفظك 365 يوم ايه بس انا اصلا جبت آخري و مش عارف هاكتب ايه النهاردة :)
وانا كمان سعيد بالتعرف عليكِ
و اتشرفت بيكي
نورتيني

رؤى عليوة يقول...

طير الرماد كنت قد سمعتها وربطتها بإسم مدونتك لكن لم اكن اعلم انك قصدته حقا :)

الاجابات رائعه وتوضح ما فهتمه عنك من خلال كتاباتك وأظننى فهمت صح من الاول :)

فى مدونتك وجدت اسلوبا مختلف
لا اجيد الرمزيه وربما اهرب منها لكنى افهمها (غالبا ) واشعر بها مطلقا

دمت بخير

مصطفى سيف الدين يقول...

رؤى عليوة
لا هو الاوبريت بقى كان عاجبني جدا على فكرة اغلب الاغاني الوطنية اللبنانية بتعجبني
شكرا ليكي يا رؤى و ميزة الرمزية هي الاحساس المطلق :)
تحياتي ليكي

eng_semsem يقول...

ايه يا دكتور انت زهقت مننا ولا ايه ده اجمل ما في حملة التدوين انها خلت ناس كتير من اللي بنعشق كتاباتهم يكتبوا ونستمتع بمتابعتهم واحنا بنسمتع بكلامك وقصصك
تحياتي صديقي العزيز

نيسآان يقول...

مساء الخير د. مصطفى
ممكن تحط رابط تدويناتك المفضله ؟
من كتر ما قرأت الاسبوعين اللي فاتوا ...الامور كلها متلخبطه عندي ومش فاكره اذا قرأتهم سابقا أو لا !

هو اجباري الواحد يكتب كل يوم؟
انا بزوّغ كتير بسبب اجازة الاولاد والسبب التاني اني ما بحب اضغط على نفسي بالكتابه بدون ما يكون عندي فكره كويسه.

دعاء العطار يقول...

أنا جيييت :)

وحشتني مدونتك جدااا وافتقدت ابداعاتك وربنا

طب أحب أقولك بقى انك من أروع الناس اسلوبًا وفكرًا في التدوين

وسعيدة إن التدوين عرفني على مبدع زيك :)

ربنا يوفقك يارب ^ــ^

soma يقول...

اسعدني ان اقرأ شيئا عن كاتب رائع مثلك
اجاباتك جميله ،،
اعتذر عن غيابي هذه الفتره الطويله
سأعود واقرأ التدوينات التي فاتتني
كن بخير سيدي الفاضل ،،

مصطفى سيف الدين يقول...

سمسم
لا طبعا ازهق ايه منكم
بس انا زهقان من نفسي بس:)
شكرا يا باشا ربنا يخليك كلك ذوق

مصطفى سيف الدين يقول...

نيسان
نورتيني
بالنسبة للروابط النسخ عندي مرفوع علشان كده محطتش لينك صريح اعملي كليك على اسم التدوينة و هتروحيلها
انا عملت الرابط على اسم التدوينة
يعني كليك على نافذة لها قضبان هتلاقي نفسك هناك
طبعا مفيش حاجة اسمها اجباري
حضرتك تنزلي تدويناتك في الوقت اللي تحبيه بحيث ميأثرش على حياتك الخاصة اللي هي اهم
ربنا يحفظ ولادك و يبارك فيهم

مصطفى سيف الدين يقول...

دعاء العطار
و انتي كمان وحشتينا يا دعاء و مفتقدينك
ربنا يخليكي كلك ذوق
و يا رب افضل دايما عند حسن ظنك

مصطفى سيف الدين يقول...

سوما
العفو اختي الغالية
اسعدني اطرائك و اتمنى ان اكون مستحقا له
لا تعتذري فليس بين الاخوة كلمة اعتذار
نورتيني
و بارك الله فيكِ

كريمة سندي يقول...

الإجابات واضحة وليس عليها غبار ولكن أحب التعرف عليك أكثر بشكل أعمق من هو أو هي ملهمك مثلا عموما سعدت بما قرأته هنا كثيرا

مصطفى سيف الدين يقول...

كريمة سندي
اشكرك لمتابعتك مرة اخرى
بالنسبة للملهم و الملهمة لا توجد سوى خبراتي الحياتية و الثقافية
تحياتي لك

زينة زيدان يقول...

ردود لها قراءات متميزة وأعجبتني فكرتك عن الرمزية التي تعطي كتاباتك
نكهة خاصة جدا وتجعلنا نبحث لنقرأ ما وراء السطور

أستاذ رشيد شخصية جدا احترمها فهو رمز للعطاء والصداقة الحقيقية

تحيتي لك أخي العزيز
لقد أخذت من خلال تدوينتك هذه لمحة حماسية تفاؤلية
كل الود