السبت، 14 يوليو 2012

من تصميماتي (1)

معلش عندي شوية برد النهاردة و درجة حرارتي مرتفعة شويتين و يستحسن محدش يدخل المدونة النهاردة علشان ميتعديش :)

علشان كده هاعرض شوية تصميمات عملتهم بالفوتوشوب من زمان 
دعواتكم بس بالشفا


الكلمات ليا من خاطرة لست ملاكا و دي اول خاطرة نزلت في المدونة


الكلمات لاغنية لمحمد فؤاد
رجع شريط حياتك 
قلب في ذكرياتك هتلاقي حبيب وفالك
حققلك كل آمالك


من كلمات اغنية تقريبا مصطفى كامل اللي مبحبوش
قلب حبيبك مات 
قلب بس زي الشمع 
قلب انفرط حبات
قلب كله جرح و دمع 
قلب خالي من الدقات

طبعا معروفة الاغنية  سيلين ديون
i got wings to fly 
oh oh 
iam alive


الكلمات دي من النت بس التصميم ده كنت باجرب فيه حاجة جديدة علشان كده عملت التصميم بعدين دورت على كلمات



طبعا دي موزتي فيروز 
اغنية اهواك بلا امل


التصميم ده برضه كنت باجرب حاجة جديدة لو قولتولي اعملها دلوقت مش هاعرف و الكلمات اي هبل في الجبل :)


ماكس ده كان اسمي الحركي في المنتدى اللي كنت فيه و الكلمات ليا من خاطرة إلى أليس التصميم ده كان في بداياتي مع الفوتوشوب بس له غلاوة يعني دايما البدايات بيبقى ليها معزة خاصة


معلش بكرة اكمل شوية تانيين من التصميمات مصحوبة بكلمات من الاصدقاء سواء في كتاب ابجدية ابداع عفوي او  من خارج الكتاب
التصميمات بتاعت النهاردة فيها شغل يعني مش صور من النت كل تصميم فيه اكتر من صورة من دول و لما هاحط تصميم من صورة واحدة حطيت عليها كلمات هاقول

21 التعليقات:

Bent Men ElZman Da !! يقول...

الاول الف الف سلامه عليكى
ربنا يشفيك يارب
وان شاء الله تكون احسن ان شاء الله

جميله التصميمات دى
انا نفسى اوى اتعلم الفوتوشوب ده :((
عاجبنى الحاجات الجديده اللى كنت بجربها ومش عارفها دى مطلعه الصور حلوه على فكره

فى انتظار المجموعه التانيه من التصميمات :)

Casper يقول...

تصميمات حلوة
ياما كان نفسي اتعلم فوتوشوب انا كمان D:

والف سلامة عليك يا صديقي

mrmr يقول...

الله عليك يا درش
ربنا يعفى عندك وتقوم بالسلامه

سندباد يقول...

سلامتك يادرش وطول عمرك عبقري ربنا يزيدك موهبة
والف سلامة عليك مرة تانية
تحياتي

هبة فاروق يقول...

الف سلامه يا دكتور
شد حيلك لان برد الصيف اشد من السيف
بالنسبه للتصميمات جميله وليه محولتش تستخدمها فى تدويناتك الجديده
طبعا الاشياء اللى كتبناها او صممناها من زمان بتبقى غاليه على قلبنا
اكيد فاكره بعض الصور وفاكره كمان شكل المدونه القديم بجد كان رائع
اقولك على حاجه فاكره كمان خاطره قلب الجلسرين :))

سواح في ملك اللــــــــــــــــــه- يقول...

الف سلامة ليك يادرش

غُفرَانْ يقول...

سـلامتك ما تشوف شر إن شاء الله تخف و تصير كويس ^^"
ممم بالنسبة للتصاميم جميلة جداً لك مستقبل حلو فيها :")
طبت

موناليزا يقول...

لا بأس طهور إن شاء الله

شفاكم الله وعافاكم

التصميمات مش واضحة عندى شايفاها صغيرة أوى .. تقريباً الويندوز الجديد مش مخلينى عارفة أتعامل كويس :)

Unknown يقول...

أخى الغالى د: مصطفى
السلام عليكم ورحمة الله وبركاته
شفاك الله وعافاك وإن شاء الله فى ميزان حسناتك ...

النهاردة اكتشفنا موهبة جديدة فعلاً الفن لايتجزأ الفنان فنان فى إبداع يتصدى له .
تقديرى واحترامى

دعاء العطار يقول...

الف سلامة عليك يادوك
بدات اتعلم فوتوشوب قبل كده بس وقفت ومش عارفه ليه رغم اني حبيته

جميلة اوي انت اصلا مبدع وموهوب :)

Śђąžล ฬąђ٤єĐ ♥ يقول...

سلامتك ألف سلامه

والصوره دايما بتكمل الكلام
جميله جدا التصميمات :)

أحمد أحمد صالح يقول...

ألف سلامة عليك يا دكتور..شفاك الله و عافاك..
جميلة جدا طبعا الصور..لكن حبيت جدا صورة فيروز و سيلين ديون..تحياتي

aya mohamed يقول...

الف سلامة عليك يا مصطفى
ربنا يشفيك و يعافيك يارب
التصميمات جميلة جدا تسلم ايديك

شمس النهار يقول...

سلامتك يادوكتور الف سلامة
تحب اكتب لك حاجة
صحيح انا بتاعت ديكور بس ليه في الطب
:))
البوست لطيف والتصميمات لطيفة

حنين محمد يقول...

صباح الغاردينيا أستاذ مصطفى
أولاً ألف سلامة عليك
ثانياً بجد مبدع في كلماتك وتصاميك والفوتوشوب فن رائع دائماً نفسي أتعلمه ..
في أنتظار تصاميمك القادمة "
؛؛
؛
لروحك عبق الغاردينيا
كانت هنا
reemaas

faroukfahmy يقول...

دا احنا نخش المدونه ونعشش فيها
عدم دخولنا هيصيب قلوينا بالبرد وبرد الجسم اهون من برد القلب
سلامتك من كل سوء

richardCatheart يقول...

الف لا بأس عليك يا درش والنبى محسود ههههههههههه وعين الحسود فيها عود هههههههه

شفاك الله وعفاك اللهم اشفيك شفاء لا يغادر سقما اللهم امين

طبعا يابختك الصيدلية تحت امرك والدوا ببلاش عينى علينا ههههههههه مش بقولك محسود


بجد كلهم احلى من بعض انا عارفة التصمميات دى بيتعب فيها اد ايه وبتاخد شغل ازاى بجد فنان ماشاء الله عليك عجبتنى اوى بتاعت راحتى والاخيره واستغربت انك بتقول كلامها اى كلام بالعكس دى جامده فحتتتتتتتتتتتتتتتتتتتتتتت


هنستنى ان شاء الله الباقى النهارده بالليل وان شاءالله تكون بقيت احسن وزى الفل :)

صباح جودة يقول...

شفاك الله اخى وعفاك اشكرك على التصميمات الرائعة بجد ابداع
دمت بكل خير
وعد

شهرزاد المصرية يقول...

ألف سلامة عليك يا دكتور
هو باب النجار مخلع و لا إيه؟

تصميمات جميلة وواضح انك فنان كمان مش بس أديب

أتمنى لك الشفاء العاجل

تحياتى

rona ali يقول...

انا علاقاتى بالفوتوشوب زى علاقتى بيا بالظبط معقده ههههههه

المهم الف سلامه علي حضرتك وباذن الله ربنا يشفيك ويعافيك قريبا :)

اللى هى بتاعت فرس احلامى الكلام هبل في الجبل بس التصميم فعلا في شئ مختلف عن البقيه :))

كلهم حلوين واغنيه محمد فؤاد انا بعشق هذا الرجل اللى بطلت اسمعله :)

Yasmeen يقول...

الف سلامه عليك انت وحيد زمانك اللي عنده برد في عز الحر :))
عجبني اوي اخر تصميمين " الهبل في الجبل" هههههه وأول تصميم صممته :)

كلهم حلوين بس عجبوني الاتنين الأخر اكتر حاجه :)

اتمني لك الشفاء العاجل