السبت، 27 أغسطس 2011

الف مبروك للطفلة الزنانة

اولا كل عام وانتم بخير بمناسبة عيد الفطر المبارك  وربنا يعيده علينا بخير وسعادة
ويا رب اسمع اخبار حلوة كتير
ونصيحة متتقلوش في الكعك ويستحسن متاكلوش خالص ابقى ابعتولي الكعك اللي عندكم :)
ثانيا : تم قبول كتابي في مشروع النشر لمن يستحق عن دار ليلى
ثالثا :طبعا بتسألوا عن عنوان البوست اقولكم بقى
الطفلة الزنانة خلاص هتتجوز يوم الخميس الجاي ده مش هزار ده خبر بجد
اه هي مشهورة بكده طفلة زنانة ومش بتبطل زن واللي يعرف مدونتها اكيد عارف كده كويس
اسم الشهرة بتاعها  سكن الليل  ومدونتها اسمها وغدا (على فكرة وغدا يعني وبكرة احسن حد يقراها غلط هههه )
انا باتكلم جد ان شاء الله فرح سكن الليل الخميس الجاي   
الف مبروك يا اسراء  ده اسعد خبر سمعته الشهر ده
اخيرا هنخلص منك بقى و نرتاح من زنك :)
انا على فكرة اعرف اسراء من 4 سنين كنا مع بعض في منتدى واعرف كويس انها حافظة القرآن ومتدينة جدا وبتتمتع بحس جميل جدا ولها قلم بيعرف ينقل احساسها الطفولي كويس اوي
الف مليون مبروك تاني
وخدي عندك شوية صور تتماشى مع المناسبة السعيدة دي

ده طبعا حسن اكيد هيحاول يطفش :)
يا عيني عليك يا حسن :)

على العموم الف مبروك مش عايز اغتت اكتر من كده  بالرفاء والبنين وفعلا (الطيبات للطيبين والطيبون للطيبات )
معرفش الصراحة هتقدر ترد عليكم ولا لاء انتو عارفين طبعا العرايس  بيبقوا مشغولين ازاي في اسبوع الفرح
ربنا يتمم بخير يا اسراء

اللي ميعرفش اسراء انا هاجيبلكم خاطرة ليها


خاطرة سكن الليل








سكن الليل ؛؛

والسنا لملم ثيابا

وأسدل الستار

عن مشهد من عمري

من حياتي

عن سكوني

عن حلمي وهفواتي

وبقي الدمع في عيني سجين الانتظار

سكن الليل

ثارت شجوني

والآهة المكبوتة في جفوني

وأرق العين سكين الألم

والذكريات تدافعت

تلاحقت

تقاتلت

وكأنها يأجوج كانت

أو مأجوج

أو كلتاهما

هدمت قيودا من فؤادي

رفعت رايات الدمار

غادر النور

حل الظلام

والآن فتحت الستار

وخرج الأبطال

يحيون...ينتظرون أن أرفع يدي

أصفق

أهتف بهم

دمعا ودم

ووردة جارحة

وقذيفة من نار

الآن أعلنت الحصار

أوقفت عقارب الزمن

وركبت بحري

موجي العاتي

ونورسي

وزجاجتي...ورسالتي

والصَدفة الراسية على جزيرتي

تحمل دعائي

..أشواقي

مودتي

ذكرى صباي..ضفيرتي

وعروستي

هدية أمي

وعيون أبي

بسمة أخي

وصديقتي

أرسيت..وسماء من عجب

كوخ خشب

ومكتبي..وأوراقي......وقلمي وألمي

يروون حكايات الزمن

وهمسة الجدران حولي

صرخات وضحكات

رقية الطَيب

و تعويذة الساحرات

ومنديل معطر...

بدمائنا معا

والآن أسدلت الستار

وصوت المؤذن ..يرفع الأذان...أذان الفجر

ويعلن النهار



.


بقلم
سكن الليل
21/12/2007

27 التعليقات:

Lady E يقول...

بكون سعيدة جدا لما بدخل مدونة لأول مرة والاقي فيها كلام مفرح ومناسبة سعيدة

فرحت جدا للطفلة الزنانة بالرغم من عدم معرفتي بيها ربنا يسعدها وبارك الله لهما وبارك عليهما وجمع بينهما في خير

الخاطرة حلوة جدا

عيد سعيد

shoshta_ joker يقول...

السلام عليكم.....

اول مرة ادخل مدونتك شدنى اسم البوست
عوزت اعرف مين دى ...

وانت شوقتنى انى ادخل مدونة سكن الليل
حل اوى الخاطرة .

الف مبروك ليها وربنا يجمعهم ع خير وبالرفاء والبنيين وربنا يباركلهم فى بعض ياررررررب.

وكل سنة وحضرتك طيب .
وان شاء الله مش تبقى اخر زيارة هناز
دومت بخير
فى رعاية الله .
shemo

غير معرف يقول...

صباحك غاردينيا أستاذ مصطفى
طبعاً انا شفت بوست جديد لطير الرماد وجيت جري لانه طبعاً حضرتك وحشتنا :)
بجد بجد بجد سعيدة جداً ببوست جميل ورائع وكله فرحة وكمان فرح ياسلام :)
طيب ممكن تعزموني معاكم <<< بدور سبب تيجي مصر ههههههه
الف الف مبروووووووك لـ سكن الليل بجد انسانة رائعة ومبدعة أن زرتها كتير وتفاجأت بخبر زواجها يارب يسعدها ويكتب لها السعادة هي وحسن هههههههه دا زي مافهمت من البوست اسمه بس ليه الصور دي نفسي افهم ليه لازم العريس يطفش ههههههه
عقبالك يارب ونسمع خبر زواجك ونشوفك والعروسة بتجرك بـ الكرافيته <<< ابتسامة بخبث :) "
؛؛
؛
دي باقة ورد للعروسة اوعى تاخد منها حاجة

https://kmmssa.blu.livefilestore.com/y1mi64arct51QT0QU2mFkgR7ug_5YJeYA9J7NPGZwF8GEvQT9hB97yKjbKmyAhBtocQPwv2cGdqjq7m1MsViRHhVj2kyXzHK8QUodwZL0aW85SeCEqTr3fLknQsnfhhBd4yc2FxGotcsJ0/%D8%B8%CB%86%D8%B7%C2%B1%D8%B8%CB%86%D8%B7%C2%AF%20%D8%B7%C2%B7%D8%B7%C2%A8%D8%B8%D9%B9%D8%B7%C2%B9%D8%B8%D9%B9%D8%B7%C2%A9.jpg

ودا بقى الكعك ليك انت انا بعته عند ابراهيم رزق روح استلمة <<< عايزة توقع بينهم شريرة هههههههه
http://2.bp.blogspot.com/_XDoiO-2seK0/SUovND0pbZI/AAAAAAAAByc/-Q9-Ik46iwE/s320/%D9%83%D8%B9%D9%83+%D8%A7%D9%84%D8%B9%D9%8A%D8%AF.jpg
؛؛
؛
لروحك عبق الغاردينيا
كانت هنا
reemaas

eng_semsem يقول...

الف مبروك ليها وربنا يملى كل ايامهم سعاده
وعقبال ما نفرح بيك يا دكتور

Emtiaz Zourob يقول...

الف مبارك يا مصطفى قبول الكتاب ، والف مبارك لاسراء ،، تتهنى يارب .. وعقبال عند العزابية ..

ابراهيم رزق يقول...

الف الف مبروك لاسراء
و بالرفاء و الرفاء و البنين
بارك الله لهما و بارك عليهما و جمع بينهم فى خير
اتم الله لهم السعادة

كل سنة و انت طيب و عيد سعيد عليك يارب
عقبالك يا مصطفى
وش شرير عايزك تطب فى الخية

تحياتى

Unknown يقول...

أخى الفاضل: د/ مصطفى سيف
كل عام وأنت بخير وإن شاء الله عيد سعيد على الجميع.
ومبروك قبول كتابك فى دار ليلى للنشر أنت تسحق كل خير وفقك الله إلى مايحب ويرضى.
وإن شاء الله زواج سعيد للأخت اسراء

بارك الله فيك وأعزك

المورقة عبير !! يقول...

السلااام عليكم

أولاً كل عام وانتم بألف خييير

ومبرووووك للطفلة الزنااانة

الله يتمم لها على خير ... ويبارك لها ..

دامت بسعااادة وهناء..

دعاء العطار يقول...

ألفففف مبروك يادكتور ع الكتاب وع زواج اسراء وربنا يسعدها يارب

مااعرفهاش بس كلماتها رائعه ماشاء الله ربنا يسعدها يارب وعقبالك لما نفرح فيك اقصد بيك (: (:

Amira Yusuf يقول...

الف مبروك يا مصطفى على الكتاب
والف مبروك يا اسراء :)
يا رب اسعد الكل دايما

زينة زيدان يقول...

ألف مبروك للمناسبات الجميلة والسعيدة

ويسرنا التعرف إلى اسراء من خلال هذه المناسبة السارة...

كل عام وانت وإسراء والجميع بألف خير

عيد سعيد

زهرة الضحا يقول...

السلام عليكم

الف مبروك علي قبول كتابك و بالتوفيق و بالنجاح دايما إنشاء الله

و ألف مبروك لإسراء و ربنا يباركلها في حياتها الجديده و يكرمها بإذن الله

انا بكون مبسوطه كتير لما بلاقي حاجه جديده في مدونتك و يارب دايما مبسوط و راضي

مصطفى سيف الدين يقول...

ده رد اسراء

Esraa Ahmed تسلم تسلم تسلم يامصطفى..حفلة جميلة اللي هو اشكرلي كل اللي هنوني..ومعلش مش هقدر ارد عليهم كلهم حاليا نظرا لضيق الوقت^_^

مصطفى سيف الدين يقول...

ده رد اسراء

Esraa Ahmed تسلم تسلم تسلم يامصطفى..حفلة جميلة اللي هو اشكرلي كل اللي هنوني..ومعلش مش هقدر ارد عليهم كلهم حاليا نظرا لضيق الوقت^_^

Carmen يقول...

كل سنة وانت بالف خير عيد سعيد عليك يارب :)

ابراهيم رزق يقول...

كل سنة و انت اكثر سعادة
كل سنة و انت اكثر ابداعا
كل سنة و انت طيب

عيد سعيد عليك

zizi يقول...

الف الف الف مبروك يا مصطفى قبول كتابك للنشر وان شاء الله قريباً نشاور على كتبك وصورك في صفحة الأدب ونقول اهو ده صاحبنا وحبيبنا ..والف مبروك لإسراء وعقبالك عن قريب ..تحياتي

Tears يقول...

عيد سعيد :)

كل سنة و انت طيب و بخير

جايدا العزيزي يقول...

الف مليووووووون مبروك ربنا يسعدها يارب

كل عام وانت بخير

عيد سعيد

تحياتى

r يقول...

كل سنه وأنت طيب وعيد سعيد
وألف مبروك على الكتاب
وللطفله الزنانه ألف مبروك وربنا يتمم على كل خير

حلو البوست الملئ بالاخبار المبهجه دا

أمال يقول...

ألف مبروك لاسراء، زواج سعيد بالرفاه والبنين ان شاء الله.
سعدت لاني تعرفت عليها من خلالك

عيد مبارك سعيد وكل عام وانت بالف خير

mrmr يقول...

الف مبروووك لاسراء
ومبرووووووووك الكتاب
كل سنه ومصر كلها بخير
عيد سعيد عليك يا درش

أمال الصالحي يقول...

دامت لها السعادة والهناء وعيدك مبارك سعيد

Emtiaz Zourob يقول...

كل عام وانت بخير يا مصطفى، ينعاد عليك وعلى الأسرة الكريمة بالخير واليمن والبركات .

موناليزا يقول...

عيد سعيد عليك يا دكتور

عبد الرؤوف بن عبدالسلام (أبوهارون) يقول...

كل سنة وحضرتك طيب .

نادي حواء يقول...

شكرا علي المجهود