السبت، 12 مارس 2011

48 ساعة في الغردقة


السلام عليكم اخباركم ايه؟
اولا اشكركم على تعليقاتك الجميلة البوست اللي فات والحمد لله رجعت بالسلامة من الغردقة
كانت رحلة جميلة اوي
استنوا احكيلكم
في حاجات كتير لفتت نظري الرحلة دي
اولا لاول مرة نقط التفتيش في الطريق من قنا للغردقة بدون اي مضايقات كان زمان اخر طموحاتك توصل لنقطة تفتيش الكيلو 85 وهناك يسألوك عن بطاقتك لو لقيوها مش البحر الاحمر ومش معاك تصريح عمل هناك علطول ترجع بس المرة دي العربية موقفتش في اي نقطة تفتيش ولا حد سالنا رايحين فين وليه وازاي
ثانيا الاماكن السياحية في الغردقة حاليا اشبه بمدينة اشباح مفيش اي سياحة وتكاد تكون نسبة الاشغالات في المناطق دي حوالي 10% عن اي فترة مماثلة في الاعوام اللي فاتت وحال السياحة هناك ميسرش
ثالثا  العاملين بالمناطق دي انبسطوا اوي بينا على عكس زمان كان الاهتمام الاكبر بالسياح والمصريين محدش يسال فيهم بس الاهتمام ده اكيد بسبب ان مفيش سياحة
رابعا اكيد كان حد باصصلي في الاجازة دي الجو كان بارد اوي ومعرفتش انزل المية

دي صورة للكومباوند اللي نزلت فيه وواضح ان مفيش حد هناك خالص


دي صورة للبيسين  هناك

صورة  للشقة من الداخل


صورة لاحد اكبر الكافيهات وهي شبه خالية مكنش فيها غير اتنين غيرنا


اختم بقى بصور حلوة للبحر اللي في اي وقت قبل الثورة او بعد الثورة هو الاروع







في النهاية احب اقولكم ان الرحلة بالرغم من الجو البرد جدا وبالرغم اني منزلتش المية للسبب ده الا انها كانت قمة في الروعة واستمتعت بيها
وصلت يوم الخميس الساعة 11 الصبح بعد ساعتين ونص سفر و خرجت من هناك الساعة 12 الضهر يوم السبت كانت حوالي 48 ساعة بس كانت ممتعة جدا والغردقة مدينة ساحرة بجد

32 التعليقات:

إنسان || Human يقول...

طبعا الصور ما شاء الله رائعه ... والمناظر خلابة فعلا سواء قبل الثورة او بعد الثورة

حمد الله على السلامة وعقبال شرم الشيخ الويك اند الجاي انشاء الله
فعلا الفترة اللي جاية دي المفروض نشجع السياحة الداخلية .. انا متأكد انشاء الله الاجازة الصيفية اللي جاية انشاء الله شرم والغردقة هاتكون كلها مصريين ... لازم نشجع البلد ان هي تقف تاني على رجليها

مصطفى سيف الدين يقول...

Hu-man
اشكرك اخي العزيز
وان شاء اللع مصر هتقف على رجلها تاني والسياحة ترجع وان شاء الله السياحة الداخلية تبقى عماد السياحة في مصر
بالنسبة لشرم بعيدة اوي عني لكن الغردقة قريبة اقل من 3 ساعات من عندي علشان كده اسهل بالنسبالي
شكرا ونورتني

شهر زاد يقول...

السلاام عليكم
حمد الله على السلامة
اتمنى ان تكو قد ااستمتعت وشكرا لمشاركتنا بصورك الرائعة
اتمنى من كل قلبي ان تستقر احوال البلد لنتمتع بمصر كما كناا
تحياتي

lo0odi يقول...

حمدالله ع سلااامتك ماشاء الله الصور روووعه وربي نفسسي ازورهاا يلااا ان شاااء الله قرريب^_^
تقبل مروري..
ودي لكـ

Carmen يقول...

حمدالله ع سلامتك استاذ مصطفي وباذن الله الامور تستقر قريب ومصر ترجع احسن ماكانت

Tears يقول...

جميلة الصور يا مصطفى

حمدلله على سلامتك

انا كمان بفكر اروح و لوان نفسى كنت اروح شرم الشيخ ان لسه عندى حاجز نفسى و مستنيه التطهير

موناليزا يقول...

حمدالله على السلامة:)
والصورة جميلة اوى

غير معرف يقول...

حمد لله على السلامه يا دكتور
عقبال المرة الجايه ان شاء الله
ودايما اوقاتك فى انبساط

والصور جميله ... تسلم ايدك

Unknown يقول...

حمداً لله على سلامة العودة
وشكراً لك على الصور التى منحتناً جزءاً من روعة الرحلة
وإن شاء الله تتكرر فى ظروف أفضل

تقبل مودتى واحترامى
بارك الله فيك واعزك

سندباد يقول...

حمدلله علي السلامة ياصديقي وانشالله المرة الجاية تروح في الصيف عشان تنزل المية نورت مدونتك
تحياتي

سواح في ملك اللــــــــــــــــــه- يقول...

حمد الله علي السلامه يادرش

Mahmoud Hassan II يقول...

اشمعنـــا يعنــى
انا مالــيش دعـــوه ــ
انت ماقلتــِش انكـ رايح الغردقــة
ههههههههههههه
الجـــو كان برد شــديد جداً
وتســتاهـــل .!!
حمدللــه علـ الســلامــه ياعــم!!

مصطفى سيف الدين يقول...

شهرزاد
الله يسلمك
وان شاء الله مصر ترجع لمكانتها الطبيعية وترجع الحياة تاني للبلد
تحياتي

مصطفى سيف الدين يقول...

lo0odi
تشرفينا وتنوري الغردقة
شكرا لتعليقك الجميل

مصطفى سيف الدين يقول...

كارمن
الله يسلمك وان شاء الله الامور تستقر
تحياتي

مصطفى سيف الدين يقول...

تيرز
ان شاء الله التطهير الكامل قادم وياريت ننشط سياحتنا الداخلية عموما في كل مدننا الجميلة
اشكرك

مصطفى سيف الدين يقول...

موناليزا
الله يسلمك
وميرسي لتعليقك الجميل

مصطفى سيف الدين يقول...

الحب الجميل
ربنا يخليكي ويبارك فيكي
ميرسي ليكي ومنوراني
تحياتي

مصطفى سيف الدين يقول...

استاذ محمد الجرايحي
اشكرؤك اخي الكريم
واامل في رحلة اخرى قريبا تكون فيها الظروف افضل بالتاكيد
تحياتي واشكرك

مصطفى سيف الدين يقول...

سندباد
والله كان الجو حلو جدا بس الظاهر اننا احنا فقر :)
اول ما وصلنا واشتغل البرد
اشكرك يا صديقي

مصطفى سيف الدين يقول...

سواح في ملك الله
الله يسلمك وشكرا لتعليقك الجميل

مصطفى سيف الدين يقول...

محمود حسان
الحمد لله اني ماقلتلكش
محدش عارف لو قلتلك كانت اكيد هتقلب بسيول مش هتيجي بس على البرد
ههههههههههههههه
تشكر يا ذوق منورني

أمال يقول...

الحمد لله على سلامتك أخي
الصور جميلة، اتمنى زيارة مصر يوما ما
سلامي

هبة فاروق يقول...

حمد الله على السلامة ويابختك يا عم انا بحسدك عقبالنا ان شاء الله لما نروح الغردقة
سعيدة جدا ان احوال البلد اتغيرت وبقو يحترمو ويقدرو المصريين وتحيا الثورة

سكرتيرة جديدة يقول...

يا سيدي يا سيدي

اتاريك بتقولى عرفينى على مدام عبير
الماء والخضره والوجه الحسن
حقك يا عم

وفعلا فكرة حلوة قوى استغلال الايام دى فى اخد اجازة بس مع العيلة عشان طرق السفر وعشان تبقى لمة حلوة مش هتتكرر وهتلاقى الاسعار كمان معقولة

;كارولين فاروق يقول...

حمد لله علي سلامتك
وفي انتظار مدوناتك
الرائعه

مصطفى سيف الدين يقول...

اميرة الامل
تشرفينا وتنورينا
اتمنى زيارتك قريبا لمصر واتمنى ان تسعدي بها
تحياتي لكي

مصطفى سيف الدين يقول...

هبة فاروق
وانا اقول الجو كان برد ليه اكيد علشان حسداني
ههههههههه
ان شاء الله تزوري الغردقة قريب
وان شاء الله اخلاقيات التحرير تعمر مصر

مصطفى سيف الدين يقول...

سكرتيرة جديدة
ماشي كان في خضرة ومية
بس فين الوجه الحسن؟ الغردقة كانت شبه فاضية
من قركم ههههه
اه بصراحة كانت الفكرة جميلة والاسعار كانت ممتازة

مصطفى سيف الدين يقول...

كارولين فاروق
الله يسلمك
واشكرك عل تعليقك الجميل

رشيد أمديون يقول...

الحمد لله على سلامتك أخي مصطفى
ويبدو أنك استمتعت كثيرا، فالصور جميلة والمكان رائع.
تحياتي

مصطفى سيف الدين يقول...

ابوحسام
الحمد لله كانت رحلة ممتعة
تحياتي