السبت، 1 فبراير 2014

أنا جااااااااااااي



ايوة ايوة اتأخرت 
عادي براحتي يعني 
كنت بتأكد بس اني هاعرف آجي 
أصلا انا عيل برنس مادام بروح وأرجع في نفس اليوم يبقى لازم انام في الطريق
يعني قطر 
سيادة الفريق قصدي المشير وقفلنا القطورات 
المشكلة لما القناوية  قطعوا السكة الحديد في 2011 اتقال عليهم بهايم
طيب آدي سيادة الفريق المشير وقفها على الصعيد اسبوع مسمعناش حسكم لا محدش يقول خوف عيب كده 
طيب آهي  رجعت يا فالح 
بس مش بقوتها دول قطرين يتامى تذاكرهم اتباعت قبل ما تنزل 
المهم حجزنا في اتوبيس ولله الحمد 
آه اتوبيس 
ودي مجازفة لو تعلمون عظيمة
آه أنا والاتوبيس لا نجتمع في مكان 
اكتر وسيلة مواصلات بكرهها في العالم حتى اكتر من التلفريك وانا عندي فوبيا المرتفعات 
لكن خلاص قدر الله وماشاء فعل واتدبست واللي كان كان 


بس لو نجيت من ده مسمعش صوت واحد فيكم 

سيبكم من الكلام ده كله أنا جاي ادعيكم على  حفلة توقيع معطف من القيود 
آه إن شاء الله يوم التلات 4 فبراير الساعة 2 في غرزة  ابداع  اللي في المعرض 
كلكم لازم تيجو نفررررررررر نفرررررر 
واللي مش هييجي ذنبو على جنبو 
دانا جاي باتوبيس يا جدعان 
وبعدين عملنالكم الغلاف أحمريكا  علشان (يجذب) الستات #السيسي_ستايل 
وكمان علشان يعقبه حفل توقيع (قيد الفراشة)الرواية النص لبة :P بتاعت شيرين سامي حتى من غير دكتورة  :P
مش مهم يعني تكونوا موجودين الساعة 4 في دار نون علشان سيادة الضاكتورة هتكون موجودة وهتوقعلكم 
إن شاء الله هيكون يوم سعيد ونتلم فيه كلنا 


5 التعليقات:

رحاب صالح يقول...

ممممممم
طيب يا افندم اهو هنيجي عشان نضايق فيك وخلاص
ده احمد قالي لازم اجي مخصوص عشانك :p

Do3aa El_attar يقول...

يعني ماينفعش قطر اللي يوقفنا .. احنا ناس بلا قيود :)

سعيدة جدًا إننا هنتجمع ^ـــــــــ^

ابراهيم رزق يقول...

انا جااااااااااااااااااى
و حلاوتك جااااااااااااااى

تشرف يا بلدياتى

غير معرف يقول...

الى الامام دائما

ومعلش متزعلش الازمه مش فى المواصلات بس ده بقت فى كل شىء

يلا ربنا يصلح الحال يارب

تحياتى لك

Ahmed Shafea يقول...

مبروك علي الكتاب ... ده انتم نور عنينا سيسي ستايل