الثلاثاء، 16 يوليو 2013

عن نشر "اوبرا طاولة البليارد "



انا عارف اني مقصر في طير الرماد  و مقصر معاكم جميعا 

صحيح موجود في الحوليات بس برضه مش كتير

 اصلا رمضان مش لاقي فيه اي وقت لأي حاجة 

المهم انا جاي ازفلكم خبر جيد 

اتعاقدت مع دار سما للنشر ، علشان تنشر روايتي " اوبرا طاولة البليارد " ورقيا 
و على فكرة انا كنت اصلا ناشرها اليكترونيا  و الناس عارفة 

ده كان صعب جدا يحصل لو الدار دي مصرية بل يمكن من المستحيل خصوصا ان تكاليف النشر كلها على الدار

و الحمد لله انتهوا من الغلاف و هو الموجود في الصورة 

كل سنة و انتو طيبين و رمضان كريم

12 التعليقات:

bent ali يقول...

مبروك يا مصطفى

محمد سلامة يقول...

ألف مبروك
وكل عام وانت بخير
تحياتى المعطرة

ابراهيم رزق يقول...

الف الف مبروك يا درش

و عقبال الكتاب رقم الف

تحياتى

عبارات عاريه يقول...

الف مبروك ويا رب يعجب...لا يبهر ....لا يمس كل من يقرأه

Ramy يقول...

مبرووووك يا دكتور (:

و كل سنة و انت طيب


و لا مقصر و لا حاجة


رمضااان كريم ((: بقى

((:


د.شيماء عبادي يقول...

بجد بجد بجد يا مصطفى يمكن ده احلى خبر سمعته في الشهرين الاخيرين مثلا..
انت عارف من الأول اني كان نفسي قوي انك تنشر الرواية دي بالذات والحمد لله ان ربنا وفقك..كنت متأكدة ان ربنا مش هيضيع قلمك ولا مجهودك لانك قلم يستحق الصعود بجد..

الف مبرووووك وكل تهاني الكون

د.شيماء عبادي يقول...

وبالمناسبة انا كدة مش هقراها الكتروني بقى هستنى لما اجيبها كتاب باذن الله

زينة زيدان يقول...

ألف مبروك أخي العزيز د. مصطفى

كل فوز كان من جهدك ...هو حقك وحدك

ولنا الحق في أن نشاركك الفرحة

كل عام وأنت بألف خير

Unknown يقول...

مبروك مبروك :)
الرواية طبعاً إنت عارف رأيي فيها..مميزه جدا
و النشر الورقي كمان أنا شجعتك عليه كتير..الحمد لله إنك لاقيت فُرصة مُناسبه
الغلاف راااائع
فرحانه عشانك يا مصطفى :)
يارب متوفق دايماً

رحاب صالح يقول...

مبروك يا مصطفي
وكنا عايزين تفاصيل اكتر عشان نعرف حكاية در النشر " ايموشن كدة يعني "
وبرغم ان احمد منزلها الكتروني من فترة بس مقراتهاش
ده دليل ان اكيد هشتري نسخة ورقية يا عم يلا انشالله محد حوش

Unknown يقول...

الف مبروك
دايما متميز ، حضرتك تستحق كل خير كلامك فى المدونه بيثبت كدا

احمد85 يقول...

مبروك يا دكتور