حاسس بجفاف و قلبك بقى زي الحجر ؟
حاسس ان مفيش نقطة مية جواك ؟
حاسس بصهد مولع في جوفك و حمم بركانية بتطلع من بوئك ؟
حاسس بالقرف كل ما الكهربا تقطع عندك ؟
حاسس انك مش مستحمل هدومك في الحر ده ؟
حاسس ان عمرك كله مكنش له معنى؟
حاسس انك معملتش اي حاجة في الدنيا تستاهل تتحسبلك ؟
حاسس بده كله ؟
يبقى مفيش غير حل واحد
اغسل قلبك و نضفه
و غسيل القلب بيتم بكذا طريقة
الطريقة الصعبة إنك تحب الناس كلها و تبطل تحقد على حد ، و متحسدش و متبصش للي مش ليك ، و إنك كمان توصل للسلام النفسي و الذهني و تملأ قلبك بالايمان
صعب؟ صح؟
طيب في طريقة اسهل من ده كله الطريقة العملية
ترسم بسمة على شفاة جفت لأنها فقدت ملمس الابتسامة من سنين
اجمع كل اللي مش محتاجه و مضايقك و قارفك و متحمله فوق كتفك أطنان من الهموم ، في غيرك محتاجه
البلوفر القديم ، الجاكيت اللي له سنين ، جلابية مش بتلبسها ، بدلة التخرج حاجات كتير مالية دولابكو خانقة الصورة في عينيك ، افتكر اللي مالوش دولاب و بيجمع كل اللي حيلته في بؤجة و بيشيلها على ضهره
اغسل قلبك قبل ما ينشف بالدنس و وقتها مش هتنفعله مية و لا يحوء فيه كلور
و ده الايفنت من هنــــــــــــــا
ربنا يجازيكم خير
المشاركات
7 التعليقات:
عرضك يا مصطفى شدنى كثيرا ويدفع الجميع الى الاشتراك فى هذه الحملة الحميده
قدرك الله على فعل الخيرات
العنوان والكلام بجد ربنا يجازيك خير
اسلوبك مختلف المرادى لكن كالعاده بياخدنا لنقاط غير اللى توقعناها
ربنا يساعدنا دايما وييسر لنا فعل الخير
دمت بخير
مبادرة خيرية طيبة
جعل الله هذا العمل في ميزان حسناتك وحسنات الجميع
جزاك الله خيرا،،،
جزاك الله خيرا على توجيه الناس لمساعدة الآخرين
تقبل مروري وشكرا
علا سمير الشربيني (الوردة البيضا)
كلامك جميل جدا والموضوع اكثر من رائع وفعلا محتاجين كلنا نعود تانى لاخلاق المسلمين فكل مايطلبة مننا الغرب اليوم من احترام الانسان والنفس ومساعدة الاخرين ورسم البسمة على شفات المحتاجين باعانات كل دة من مبادى الاسلام بل ابسطها
اشكرك على اللفتة الطيبة دى
تقبل مرورى وتحياتى الطيبة
إرسال تعليق