من خمس سنين كده و زي دلوقت و كان يوم جمعة برضه، بس مش زي دلوقت بالظبط لأنه كان بعد الضهر ، اتولد طير الرماد ، هو في طير بيتولد ؟ لا متولدش ده بقى بيضة قصدي و فضل بيضة لحد أواخر 2010 لما رجعت للمدونة تاني بعد 3 بوستات كتبتهم من خمس سنين
معرفش ان كان ينفع نقول إن المدونة ليها خمس سنين و لا سنتين و نص كده أو كده نحتفل و خلاص
نحتفل بخمس سنين و انا استنزف من روحي و أحولها لحروف حتى لو كانت مش حلوة و فيها عك كفاية ان فيها مني
أول تدوينة نشرتها في المدونة رغم إنها مش أول حاجة اكتبها كانت " أطفأت مدينتي قنديلها " كنت بافكر اوقف من نزيفي و ابطل اكتب تاني ، أول حاجة في المدونة كانت بشرى لغلقها و كنت باقاوم علشان اطير تاني و ابقى زي طير الرماد او العنقاء
"اطفأت مدينتي قنديلها و أغلقت بابها أصبحت في المساء وحدها ، وحدها وليل " فيروز كانت يمكن تقصد بيروت لما قالت كده و أنا لما رددتها كنت باقصد غير
و ما أشبه الليلة بالبارحة
خمس سنين و أنا لسه باسمع فيروز بتغني لبيروت
خمس سنين و انا حاسس باقاوم انطفاء القنديل
خمس سنين و انا بحاول الهرب من نفسي
و الحرب مش خلصانة
ايه يا عم النكد اللي انت فيه ده ؟ هي ناقصاك ؟ متشتغلناش و بص للنص المليان
خلاص خلاص
خمس سنين قابلت فيها اصدقاء حقيقيين و اخوات طيبين
خمس سنين نشرت فيهم كتاب و شاركت فيهم في كتب
خمس سنين و أنا باصحى الصبح اقول كده كفاية و هاطفي القنديل و بالليل الاقيني باكتب تدوينة
انا باشكركم و متقلقوش هافضل قاعد على قلبكم و تخيلوا بقى واحد في وزني لما يقعد على قلبكم يبقى هتفطسوا أكيد زي ما قاومت خمس سنين هاقاوم خمسين سنة تاني
مشاكل التدوين كتيرة ، لكن عدم التدوين موت
شكرا لموناليزا صديقتي العزيزة >>>>>>>> ده ينفع مطلع اغنية زي يا ست سامية يا احسن واحدة تقمع بامية
إنها فكرتني رغم إني نسيت رغم اني كنت فاكر من عشر ايام
زهايمر بقى
كل سنة و أنتو أصدقاء حقيقيين
كل سنة و انا باستمد منكم صمودي قدام نفسي
كل سنة و انا باتعلم منكم
كل سنة و قناديلكم مزهزة مشعللة
كل سنة و قناديلكم نبراس و سراج
كل سنة و انتو طيبين بس محدش يقولي عقبال 100 سنة كفاية تقولوا عقبال ما نحتفل معاك باالعيد السادس لطير الرماد
بالمناسبة هو طير الرماد ده بيعيش كام سنة في الطبيعي؟
------------------------
ملحوظة : تقبل الهدايا فقط في حالة كونها شيء يؤكل اللي هيجيب ورد هارميه في وشه :)
المشاركات
22 التعليقات:
كل سنه وانت طيب يا دكتور وان شاء الله نحتفل العام القادم بمدونتك وكتابك الجديد
تحياتي
اقولك على حاجة مش حتصدقها انا لسة فاكرة اول تدوينة علقت عليها وكانت من اجمل التدوينات لانها تركت بصمة لا تنسى كانت عن القلوب وان هناك قلوب تشبة الجلسرين ياريت ترجع تكتب تانى خواطر
دمت مبدع يا صديقنا الغالى وكل سنة وانت طيب ومدونتك منورة بيك
كل سنه وانت طيب يا درش
وعقبال السنه السادسه يا رب
لقد تركت بصمه جميله في عالم التدوين
ومازلت تضع بصماتك الادبيه في كتبك
انا مع هبه يا ريت ترجع تكتب عن الخواطر قد ايه كانت جميله
صباحك فل وياسمين
الهديه بقي صنيه بطاطس باللحمه:)
تحياتي وتقديري
كل سنة و انت كابس على نفسنا
اتفضل يا عم الهدية دى
والنبى ما انا قايل لا
http://files.fatakat.com/2010/4/1272117134.jpg
و اتفضل كمان
http://files2.fatakat.com/2012/5/13367925193519.jpg
و امسح زورك بدى
http://files2.fatakat.com/2012/5/13367928682014.jpg
و حلى بقى
http://files2.fatakat.com/2012/5/13367936584448.jpg
و كفاية عليك كده عشان باقى الاخوة
سلام بقى
كل سنة و انت كابس على نفسنا
اتفضل يا عم الهدية دى
والنبى ما انا قايل لا
http://files.fatakat.com/2010/4/1272117134.jpg
و اتفضل كمان
http://files2.fatakat.com/2012/5/13367925193519.jpg
و امسح زورك بدى
http://files2.fatakat.com/2012/5/13367928682014.jpg
و حلى بقى
http://files2.fatakat.com/2012/5/13367936584448.jpg
و كفاية عليك كده عشان باقى الاخوة
سلام بقى
الله الله ايه هجمة حب آل الفاروق عليك يا درش هبه وكارولين ومعاهم ابوهم
ليك حق لازم تعلق خمسة وخميسة على بوابة مدونتك
عقبال ما تحتفل بميلادها الفضى والذهبى ونصغرد كما سبق سصغردنا فى حفل توقيعك والا انت نسيت ان كنت ناسى افكرك يا ماكان غرامى بيسهرك
الغنوة دى عاوزه ابراهيم يعلق عليها ويعمل عليها يوست من عمايله الحلوه
كل سنة و إنت متألق يا مصطفى و متميز بأسلوبك الأخاذ و أفكارك المتجدده
كل سنة و إنت بتثري البلوجر بقلمك و بتنوره بقناديلك اللي عمرها ما هتنطفي..تصدق إني كمان بفكر زيك و كتير بقول خلاص الحدوته لازم يكون لها نهاية و أرجع أنا لحياتي..لكن زي ما إنت قلت عدم التدوين موت..و أول ما بأرجع أكتب بتترد فيّه الحياه.
على فكره الجلاب عجبهم في البيت أوييييي لدرجة كانوا بيتخانقوا عليه :)
عارف أكتر حاجه بتميزك عندي غير كتاباتك الجميله طبعاً..إنك كنت أكتر واحد حريص إنه يقرا بتمعن و يعلق بحياديه من غير مجامله..تعليق متميز برضو :)..و ده كان شئ نادر في التدوين زمان باللذات
ده غير طبعاً مصطفى سيف الإنسان المهذب الجدع الطيب القوي في الحق اللي سعدت بمعرفته على المستوى الشخصي.
كنت عايزه أجبلك حمام محمر بس صورة على النت وحشه أوي..خليها لما تيجي مصر هبقى أعزمك عليه :)
إستمر يا صديقي لأننا ينستمد صمودنا منك :)
يا صديقي أنا أشعر أني أعرفك وأعرف مدونتك من أيام رمسيس، لا تستغرب ربما هي الأرواح في البرزخ :)
طيب أنا جئت هذا الصباح كي أخرف هههه
معلش!!!
لكن هذا ما أشعر به، وطير الرماد سيعيش ويعيش، إلى غاية ما يبيض ويفرخ طيور رمادية صغيرة :)
كل عام ومدونتك طيبة ومتألقة.
تحيتي
كل سنة وانت طيب ومدونتك طيبة والايام بتعدي قوام..بس على فكرة ايوه طائر الرماد بيتولد مش بيبيض وبيتولد من النار او الرماد ..ومفيش اصلا لا ذكر ولا انثي ولا بيض
الأخ الحبيب الدكتور مصطفى ..
لا أذكر اللقاء الأول لي بمدونتك لكنني أذكر تماماً أني أحببتُ كلماتك فيها وشدتني إليها .. ثم تعدى هذا الحب ليصبح حباً لشخصكم ..
كل سنة وكلماتك اجمل ..
كل سنة وأنت أروع ..
كل سنة وتلتقي فيها بأحلامك وتسيران معاً في طريق واحد ..
ليصبح طير الرماد نسراً ذهبياً يجول البلاد الواسعة يقف منها كل ما لذ وطاب ..
أما عن الهدية فهذه هديتي لك من صنع يدي ..
http://mywhiteshadows.blogspot.com/2013/02/5_3.html
وصحتين وهنا ..
كل التحية والتقدير .. أخي سيف المدونين ..
كل سنة و انت طيب و مدونتك دايما مفتوحة و كابس انت و هي علي نفسنا
هاحكي لك بقي علي ظهورك في عالم التدوين كنت لسه نشيطة و بكتب و بدخل مدونات و اعلق عند ناس كتير و ابتدي اسمك يظهر كل ما ادخل مدونة الاقي تعليق باسم مصطفي سيف .. تعليق طوييييل عمال ترغي فيه و ترد علي البوست بذمة و ضمير ... كنت اقول مين الاخ ده و ايه كل التعليق ده :)
و دخلت عندك مرة فضول كنت كاتب حاجة طويلة فقلت يا رب ما يدخل مدونتي انا لسه هادخل عنده و اضطر اعلق بس حصل اللي حصل و حضرتك نورت عندي فقلت مبدهاش بقي ادخل و اقرا بذمة انت بتكتب ايه و كانت البداية من يومها يا استاذ و الواحد بيستني خواطرك و قصصك و بيستمتع جدا بكل ما تكتب حتي شديد الرمزية من كتاباتك و هي من اكتر الكتابات اللي بتعجبني لأنها بتستفز عقلي للتفكير في مغزي كل حرف ......
ربنا يديم عليك موهبتك و تميزك يا مصطفي و ان شاء الله هاتفضل تكتب دايما و تقاوم اي رغبة للتوقف
اما هديتك بقي فكفاية عليك هدايا استاذ ابراهيم انت هاتنهب
كل سنة وانت ديما معانا ومبدع ديما يا درش كل سنة وانت صاحب اوسع خيال ادبى انا قريتله فى المدونات
احب اقولك بقى بمناسبة عيد ميلاد مدونتك انى كنت بحب تدوينة الالوان جداااااااااااااااا
كل سنة وطير الرماد بخير وتألق وابداع
خمس سنوات من العطاء ورقى الكلمة وعمق الفكرة ...
ربما لم اعرفك الا من سنتين فقط لكن كما قال استاذ رشيد ان الصداقة والمحبة لاتحسب بعدد السنين والايام لكن بالصدق والود
انت نعم الاخ والصديق وقلمك راقى ويشرفنى دائما ان اتابع كل ما يخطه وينثره من در ولؤلؤ :)
كل سنة وات طيب سيف التدوين
وهديتك على صفحتك بالفيسبوك :)
تحياتى بحجم السماء
كل سنة ومدونتك الطيبة بألف خير..
كنت هنا..
المبدع الراقى والأخ الغالى : مصطفى سيف الدين / خمس سنوات من العطاء والإبداع المتواصل أدام الله لنا عطاءك وإبداعاتك وبارك فيك وأعزك
كل سنة وطير الرماد طيبة وكل سنة وانت طيب يا مصطفى
ويارب طائر الرماد دايماً يرفرف في سماء المدونات
المدونة دي من المدونات التى احرص على متابعتها وشرفت ان اعرف من خلالها صاحبها بشخصيته المحترمة الواضحة الصادقة
فكان نعم الاخ والصديق
ايه مش حد يجيب ورد دي يقى ؟؟
انا هاجيب ورد وشيكولاته
ينفع ؟؟
كل سنة وأنت ومدونتك بخير
وعقبال 110 سنة
قال نحتفل بالعام السادس بس قال
وبقية السنين الجاية هتعتزل يعنى !
مش هينفع .. خلاص الشعب بقى عارف حقوقه وأسهل حاجة بقت الاعتصامات :)
حلوة أغنية سامية والبامية :)
تعليقى هيكون على اسم المدونة مختلف كقلمك
وآدى يا سيدى الهدية :)
http://www13.0zz0.com/2013/02/23/02/992642413.jpg
......
كل عام وانت فى قمه التألق وبغايه الابداع
كل عام وانت ( مصطفى ) من بين جميع المندونين للابداع
وكلماتك ( سيف ) يفصل بين حق وباطل ويقطع بتمام العدل
لو كان الابداع بالسنين لدعوت لك بمائه منهم
لكنى سادعو لك فانلا ينقطع حبل افكارك ومداد قلمك ما حيت
كل عام وانت بالف خير
تحياتى
.....
السلام عليكم...
يعني إيه اللي حيجيب ورد حترميه في وشه؟!؟
طب إرمي يا عم، برضة مقبولة منك، لأن أي أكل تاني بعد الأكل الكتير اللي فوق ده كله حيجيب تخمة، والورد مطلوب برضه!!
لا أذكر تحديدا كيف تعرفت عليك، وأظن أنه إما عبر مدونة أستاذي/ محمد الجرايحي أو عن طريق تويتر، لكن بصراحة لم أندم يوما على أن تعرفت على إنسان مثلك، نتفق ونختلف لكن أظل أحتفظ له في نفسي بقدر من الود الذي أرجو ألا يتأثر بتقلبات الحياة.
أشاطرك الرأي، فالتوقف عن التدوين موت.
يا سيدي خليك كابس على نفسنا واكبس كمان وكمان.
تقبل تحياتي...
كل سنة وانت طيب يا درش :) وطائر الرماد بيكبر ويكبر واحنا بنستمتع معه
عقبال السنة جاية وكلنا واكتر من حابيبك حواليك يارب وانت زى مانت درش حبيب رشدى وربنا هههههههههههههههه ربنا يدلك الصحة وتعيش وتمتعنا وتفضل من اجمل واميز الاقلام والاحاسيس اللى قرأت ليها انت يادرش اخ عزيز وغالى وانت عارف دا ومن القلائل اللى بعتز اوووووووووووووووووى انهم اخوتى
والله يادرش كان نفسى اعملك حله محشى معتبرة باليا يععععععععععععع هههههههههههههه بس ما بعرفش اقولك قضيها بدى واحنا مش اشكال ورد يادرش احنا عارفين اللى فيها يا فنان هههههههههههههه
يارب ديما بخير ومن جميل لاجمل :)
https://www.google.com.eg/search?hl=ar&bav=on.2,or.r_gc.r_pw.r_cp.&bvm=bv.42768644,d.Yms&biw=1366&bih=569&um=1&ie=UTF-8&tbm=isch&source=og&sa=N&tab=wi&ei=L78pUaXvH8iJtQbemIDwBw&q=%D9%81%D8%AE%D8%AF%D8%A9%20%D8%B6%D8%A7%D9%86%D9%89#imgrc=wdCylGSDc2NlpM%3A%3BC-yRIrgaPnsdrM%3Bhttp%253A%252F%252Ffiles2.fatakat.com%252F2011%252F10%252F13200001519495.jpg%3Bhttp%253A%252F%252Fforums.fatakat.com%252Fthread2163898%3B768%3B576
فخدة ضانى على ماقسم نهارك ابيض يادرش
كان يوم فراقك يا أم عمرو
زى النهاردة
كان يوم تلات
لو المدوة بترفع صور زى تويتر والفيس
كنت ظبطتك
وأعتقد إنك عارف
مستوايا فى الأكل
والبشاميل والمحشى وخلافه
تخيل بقى
إنى جبت لك كل ده
:)
وعقبال السنة الجاية نكون خلصانين منك يا رب
كل سنة وأنت بخير وطيب يا دكتور وتكتب دايما لأن قلمك فعلا مميز وممتع جدا
إرسال تعليق