السبت، 8 أكتوبر، 2011

مشروع نقابة للمدونين



 كل مدون بيحلم بحفظ حقوقه الأدبية والفكرية
كل مدون بيحلم إنه مايلاقيش تدوينته منشورة باسم
شخص تاني بعد ماتعب فيها

إحنا كمدونين من حقنا يكون في جهة
تحمي حقوقنا الأدبية والفكرية من السطو عليها

الجهة دي لازم تكون نقابة

أيوة نقابة للمدونين ماتستغربوش

دي مجرد فكرة بدأت بحوار عادي بين أخوة مدونين

مصطفى سيف
صاحب مدونة طير الرماد
رحاب الخضري
صاحبة مدونة فتافيت ربع قرن
نهى صالح
صاحبة مدونة كلام فاضي

وتحــــولت لحلــــــم كبيـــــر
بنحلم بيه ونفسنا نحققه
علشان نحفظ حقوقنا بشكل محترم

لــــــو الفكرة عجبتكم
أنشروا البوست ده في مدوناتكم ...
ولو إنتشرت الفكرة ولاقت ترحيب..
ساعتها هنقدر ننشر التفاصيل وندخل في تنفيذ الفكرة


مش هنقدر ننفذ فكرتنا لوحدنا
شاركونا بأرائكم وأفكاركم وأي استفسارات لكم
على أي مدونة من المدونات التلاتة

كلام فاضى
طير الرماد
فتافيت ربع قرن

يمكن الفكرة تكون مستحيلة
بس لو حاولنا مع بعض هنقدر نحولها لواقع


ودي الفان بيج  اضغط .. بتاعة المشروع،،
شــــاركونــــا،،!

19 التعليقات:

haneen nidal يقول...

بالتوفيق

محمد الجرايحى يقول...

فكرة طموحة وتحدى يحتاج ارادة

مِنَة يقول...

الفكرة رووووعة ..
ويارب تتحقق ..

حتى لو كان الواحد بيكتب
مجرد خواطره أو يومياته

مش من حق أي شخص أن يآخذها
وينشرها وكمان يعدلها حسب رؤيته هو

بعد ما بيكون تعب في التفكير عن أفكار وكلمات وإحساس ..

بينسرق في غمضة عين .،

تسـلم أفكاركم ،
وإنشـالله موفقين .

reemaas يقول...

اكيد هشيرها على الفيس انا لسه منشولة من يومين

مصطفى سيف الدين يقول...

استاذة حنين ..... شكرا ليكي
استاذ محمد الجرايحي .... فكرة طموحة تحتاج تكاتف الجميع
منة ... اشكرك ونتمنى المزيد من اقتراحاتك وافكارك للاقدام على هذه الخطوة
ريماس ...... اشكرك اتمنى مؤازرة اكثر بتقديم الاقتراحات والتصورات

Carmen يقول...

ياريت يادكتور والله الواحد بيصعب عليه اما يلاقي حاجة له منشورة باسم حد تاني

faroukfahmy58 يقول...

عزيزنا سيف
شدتنى كثيرا فكرتك التى صادفت محلها فى نفوسنا جميعا، ولكن العيب كل العيب اننا نطلق احيانا افكارا حيوية قابلبة للتنفيذوالتطبيق الميسر ثم تطير باجنحة الرهوان مع ادراج الرياح مع ما تضمه قائمة مدونينامن ثقل ومكانة ووزن اهلها
لماذا لا تبادر بنفسك ياسيف وضع الخطوات اللآزمة للتنفيذ ونحن جميعا وراؤك فكرا وعملا وتمويلا وعن نفسى ساكون معك اول الطائعين وآخر العاصين
تحرك ياسيف بما لك من جمهرة عريضة بين صفوف مدونينا وفى انتظار ردك العملى وتقدمك الايجابى
الفاروق

زينة زيدان يقول...

معكم في اقتسام المسئولية
وطالما أن الفكرة خرجت من خبايا العقل والنفس
وتُرجمت في كلمات هنا نقرأها
فهذه أولى الخطوات نحو التعامل بجدية مع الفكرة...
وأنا أراها أولى خطوات التنفيذ...

أضم صوتي لكم وأدعو
لدعم الفكرة والاتجاه نحو الخطوة الثانية
...
تحيتي لجهودكم

سواح في ملك اللــــــــــــــــــه- يقول...

جميلة الفكرة يامصطفي

مصطفى سيف الدين يقول...

كارمن ... من هنا كانت الفكرة بس السعي ليها صعب ومحتاج جهد وتكاتف من الكل
استاذ فاروق فهمي ....انت تعلم استاذي العزيز انه ليست لي دراية او خبرة قانونية الامر يستلزم حقوقيين ومحامين لنعرف ما هي الاجراءات والخطوات المتبعة

زينة زيدان ... نشكرك لاقتسام المسئولية ونتمنى ان تكون الخطوة التالية نحو الهدف متفق عليها من الجميع

سواح في ملك الله ... اشكرك صديقي العزيز ونتمني ان تفيدنا باقتراحاتك وارائك ومجهوداتك

الحــب الجميـــل يقول...

فكرة جميلة

ربنا الموفق أن شاء الله

همس القلب يقول...

فكره ممتازه بجد
بالتوفيق ان شاء الله
ويارب تتحق الامنيه دى
تحيـــــــ yara ـــاتى

ابراهيم رزق يقول...

مصطفى سيف
اخى العزيز

اضم صوتى الى صوت استاذى العزيز الاستاذ فاروق فهمى و بقوله انت وحشتنى و بجد احنا محتاجين فكرك و خبرتك
تحياتى و تقديرى

محمد الجرايحى يقول...

أخى الكريم د/ مصطفى
أول خطوة ياريت يكون فى تصور مبدأى للإطار القانونى وياريت يقوم به مدون من رجال القانون محام مثلاً

دعاء العطار يقول...

الفكرة جميلة جدااااااااً بجد يادكتور مصطفى ... حتى لو ناس قالوا انها احلام يقظه فكل الافكار اللى بقت واقع دلوقتى كانت احلام يقظه قبل كده ... ان شاء الله معاكم قلبا وقالبا واى افكار او اقتراحات هقولهالكم ان شاء الله

وباذن الله هنشر البوست عندى فى البلوج ... وربنا يوفقكم :)

آلاء فيصل يقول...

انا معكم في هذا

واصر بقوة ان يكون لنا نقابة

شهرزاد المصرية يقول...

أنا عاجبانى جدا فكرة نقابة المدونين
بس هل يمكن نقلها لحيز التنفيذ
أتمنى ذلك فعلا و لو ان اى عمل جماعى تعترضه عقبات كثيرة أهمها اختلاف الآراء

تحياتى

مدونة رحلة حياه يقول...

السلام عليكم
فكرة جميلة صاحبى الا انى لا اوافق عليها فلا احب التقيد بنقابات ولا غيرها
وفقكم الله للخير

المنجي باكير يقول...

فكرة طيبة و قابلة للتطبيق متى توفّرت العزيمة والارادة الجماعية .


مدونة الزمن الجميل يسعدها دعوتك إلى جديدها:جولة مع الذكاء !


*