السبت، 25 يناير 2014

ماء اللفت



جدي الله يرحمه كان دايما يقول 
( مات العليل وماء اللفت له دواء) 
الغريب كنت بافهمها غلط و اشرب ماء لفت كتير على اساس ان فيه سرعلاج كل مرض
بس لما كبرت فهمت انه يقصد ان الحلول دايما سهلة و بسيطة و قدامنا و احنا اللي بنتوه 
و لما كبرت أكتر عرفت ان سر ماء اللفت علشان فيه خلاصة اللفت اللي بينمو و يكبر تحت الأرض بعيد عن الجو الملوث فبيحمل اسرار التربة البكر و لما بيطلع العصارة دي في ميته بنستخلص الحكمة الغايبة عنا 
حكمة ان تعيش تحت الأرض بعيد عن أي مؤثر او عامل يخل بموازينك و أفكارك 
علشان كده باقولها لينا كلنا لو عايزين الوضع العام ينصلح 
اشرب مية لفت


7 التعليقات:

ستيتة يقول...

مثل اول مرة اسمعه
والتدوين وتويتر عرفوني حاجات تقول اني كنت جاهلة ومازلت جاهلة
الحكمة رائعة
والحلول حقا بسيطة
لكن في "عزم" المشكلة..عادة تتوه الحلول البسيطة
بس اللفت كمان مؤكد تاه عن ايام جدك
يعني غرقان في التربة
والتربة ملوثة
التربة ملوثة والهواء ملوث..والشمس هي الحقيقة الوحيدة الباقية في الكوكب
وده لأنها هي نفسها بعيدة عن تأثيرنا
من فترة وانا عايشة مع عقلي..مش وحش العيشة مع العقل على فكرة..ده حد جميل

سعيدة انك اصطفيتنا على المدونات بالحكم المؤثرة القصيرة اللي بتزغزغ النفوخ

تحياتي

faroukfahmy يقول...

تغرف يا سيف ان ربنا لم يخلق شيئا الا وحعل من ورائه فائدة
وطول مالمرء عايش هيكتشف ان ما آتاه من علم فهو قليل

بن دالي آمال يقول...

مدونتك على ايجازها تشد القارئ و تجعله من المتابعين رغم انفه.
تحياتي.

شمس النهار يقول...

ايوة الحلول موجودة
بس مش بنشوفها علشان مش بنتوكل علي الله وبنأمل في الله
لو الايمان صحيح هنبقا ريلاااااكس
ومش مشدودين
فاهنلاقي الحل ونشاور ونقول اهوووو

سواح في ملك اللــــــــــــــــــه- يقول...

كثيرون هم من يستعذبون المرض

ويعلمون الدواء جيدا

ولكنهم يستمتعون بالصراخ والعويل

حتي يستأثرون باكبر قدر من التعاطف

والآهتمام

لذا فأنهم يلقون بماء اللفت

رغم علمهم جيدا ان الدواء سهل وقريب

مرحب يادرش

وحشتني مدونتك الراقية

نيللي علي يقول...

المشكلة الحقيقية ليست في المشكلة وإنما بداخلنا..

لأننا لا نري الحل..وإنما نري فقط المشكلة.

تحياتي:)

غير معرف يقول...

معك حق
وجدك كان رجل حكيم فعلا
سعيده بمرورى هنا
واتمنى التواصل دوما