الجمعة، 11 فبراير 2011

اخيرا تحقق الحلم




الله اكبر الله اكبر
اخيرا المصريين يتنسمون هواء الحرية
اخيرا هنخرج بدون خوف انك مترجعش بيتكم تاني (مفيش طوارىء)
اخيرا هتختار وانت متاكد ان  صوتك هيوصل (مفيش تزوير انتخابات تاني)
اخيرا هتمشي في الشارع وانت رافع راسك لفوق (مش هتشوف صورة لمبارك على كل عمود نور)
اخيرا مش هنتسرق ولا نتنهب
اخيرا هنحاكم الفساد
اخيرا هنبدا طريق العدالة
النهاردة الجمعة والجمعة عيد في شهر ربيع الاول وفيه المولد النبوي الشريف وده عيد وفي شهر فبراير اللي فيه الفلانتين وده عيد وحط كمان معاهم عيد تاني عيد الحرية
مصر اليوم في عيد وعيد مش مبارك عيد جميل وسعيد وظريف عيد فيه كرامة وحب وتكافل وعدالة عيد التحرير والحرية والشجاعة والصمود والادارة
انا مش عارف اركز وانا باكتب الناس في الشارع كلها بتضرب نار من الفرحة
اخيرا مصر قدرت تهرب من الطوق اللي كان على رقبتها سنين وسنين وسنين
مش هاتكلم عن خوفي من الجاي لان اللي وصلناله ده كله حلم كبير لحد دلوقت حاسس اني باحلم
80 مليون مصري من حقهم يفرحوا ويزغردوا
حتى الشهداء انا حاسس انهم شايفينا وبيقولونا عفارم عليكم صنتم دمنا واخدتوا بتارنا
اللهم ارزقنا الامن والاستقرار ووفقنا ان نطبق ما تعلمناه في تلك الفترة لكي نصبح امة متقدمة

16 التعليقات:

eng_semsem يقول...

نقلنا الحلم من عالم الخيال الى تحقيقه على ارض الواقع تحيه الى كل من شارك في التغيير
وتحيه طاهره للشهداء رحلتم وبقية ارواحكم معنا

ray يقول...

ربنا يستر..
ويارب نعرف نلم نفسنا..
ومش نحتاج مساعدات خارجيه..ونبقي عراق بنسخه مصريه

مش هقول مبروك الا لما اشوف بجد..الانتخابات بتاعت الرأسه بتتحقق..وبروح انتخب..ويبقي الحلم حقيقه

خواطري مع الحياة يقول...

مبرررررررررررررررررررررررررررررررررررروك عليك يامصر
مبروووووووووووووووووووووووووووك عليك ياشعب الاحرار
الف مبرووووووووووووووووووووووووووووووك
ان شاءالله بكرة احلى من الايام الي فاتت
بكرة امل جديد
حياة جديده
والله يحميكي يامصر

مدونة رحلة حياه يقول...

السلام عليكم
الحمد لله
الحمد لله
الحمد لله
اللهم اتم علينا نعمتك
يالا يا مصطفى نكمل دورنا دى كانت اول خطوة

موناليزا يقول...

الحمدلله:)
مبرووووووك لمصر

أنثى إستثنائيه يقول...

مبرووووووووك استاذ مصطفى

mrmr يقول...

مبررررررررررررروك علينا مصر

Noha Saleh يقول...

مبروك لمصر
مبروك لمصر

Casper يقول...

مبروك لمصر
ويارب يحميها ويحفظها

أبو حسام الدين يقول...

السلام عليكم

الحمد لله ينصر من يشاء..

مبروك عليكم أخي الكريم، فرحت لكم كثيرا، خاصة وأني عشت معكم بقلبي كل محطات الثورة، حقا تستحق مصر أن تفخر بكم.
مبروك لكل مصري.

carmen يقول...

الحمدلله اتحقق الحلم ربنا يكملها علي خير

faroukfahmy58 يقول...

مبوك ياسيــــــــــف

أنا حرة يقول...

الحمد لله أولا وألف ألف مليون مبروك لمصر وشعبها العظيم

محمد الجرايحى يقول...

قد أراد الشعب واستجاب القدر
فالقدر يستجيب لإرادة الأحرار المخلصين ولقد أخلص شباب الأمة نواياه للمولى عزوجل فكان النصر المؤزر
الحمد لله ولاإله إلا الله

هبة فاروق يقول...

مبروك يا مصطفى مبروك علينا كلنا
انا فرحانة وسعيدة ويارب مصر دايما بخير

مصطفى سيف يقول...

الف مليون مبروك لكل المصريين
اشكركم اخواني جميعا على مشاركتي الفرحة
وان شاء الله مصر ستسير على الطريق الصحيح الذي يرضي شعبها والشعوب العربية
ومن تقدم لتقدم ان شاء الله